موٹرولا نے اپنے موجودہ فلیگ شپ اسمارٹ فون سِگنیچر کے اگلے ورژن سِگنیچر 27 کی رونمائی کی تاریخ کا اعلان کر دیا ہے۔ کمپنی کے مطابق نیا فون 22 ستمبر کو پیش کیا جائے گا۔
یہ تاریخ خاص طور پر اہم ہے کیونکہ اسی روز کوالکوم کی جانب سے ہوائی میں منعقد ہونے والے اسنیپ ڈریگن سمِٹ میں نئے اسنیپ ڈریگن 8 الِیٹ جین 6 اور اسنیپ ڈریگن 8 الِیٹ جین 6 پرو چپ سیٹس متعارف کرائے جانے کی توقع ہے۔
موٹرولا نے بھی اپنی ٹیزر مہم میں اسنیپ ڈریگن سمِٹ کا واضح حوالہ دیا ہے جس سے اشارہ ملتا ہے کہ سِگنیچر 27 میں ان میں سے کسی ایک نئے فلیگ شپ چپ سیٹ کو شامل کیا جا سکتا ہے۔
یہ امکان بھی ظاہر کیا جا رہا ہے کہ موٹرولا اس ایونٹ کے اسٹیج پر ہی یہ فلیگ شپ ڈیوائس پیش کر دے لیکن فی الحال یہ واضح نہیں کہ کمپنی فون کی مکمل تفصیلات جاری کرے گی یا صرف ابتدائی جھلک دکھائے گی۔
ٹیزر کے مطابق سِگنیچر 27 دو رنگوں پینٹون کول اسموک اور پینٹون کیپیولیٹ اولیو میں دستیاب ہوگا۔
موٹرولا نے فون میں استعمال ہونے والے میٹریلز کے حوالے سے بھی دلچسپ تجربے کا عندیہ دیا ہے۔ تاہم، ان کی تفصیلات ابھی سامنے نہیں آئیں۔
فون کے ڈیزائن، کیمرا، بیٹری، قیمت اور دیگر خصوصیات سے متعلق مزید معلومات 22 ستمبر کو متوقع ہیں۔
