کراچی:
شہر قائد کے علاقے قیوم آباد میں ڈیفنس پولیس اور ڈاکوؤں کے درمیان مبینہ مقابلے میں 2 ملزمان زخمی حالت میں گرفتار کرلیے گئے۔
پولیس کے مطابق ڈیفنس پولیس کا سی آر پٹا قیوم آباد میں ڈاکوؤں سے مبینہ مقابلہ ہوا جس کے دوران دونوں ملزمان زخمی ہوگئے۔
ترجمان کراچی پولیس کے مطابق گرفتار ملزمان کی شناخت نور اللہ اور حاجی محمد کے نام سے ہوئی ہے جنہیں طبی امداد کے لیے جناح اسپتال منتقل کردیا گیا۔
پولیس نے ملزمان کے قبضے سے اسلحہ، موبائل فونز، نقد رقم اور موٹرسائیکل بھی برآمد کرلی ہے۔
