لاہور:
اے آئی سے باپ کو زہر دینے کا طریقہ پوچھنے کے مقدمے میں عدالت نے ملزم کو 14 روزہ جوڈیشل ریمانڈ پر جیل بھیج دیا۔
این سی سی آئی اے نے تین روزہ جسمانی ریمانڈ مکمل ہونے کے بعد ملزم کو لاہور کی عدالت میں پیش کیا جہاں جوڈیشل مجسٹریٹ نعیم وٹو نے کیس کی سماعت کی۔
دوران سماعت عدالت نے تفتیشی افسر سے استفسار کیا کہ کیا ملزم کے والد کو کوئی اعتراض ہے جس پر بتایا گیا کہ والد کو کوئی اعتراض نہیں اور ملزم ان کا اکلوتا بیٹا ہے۔
تفتیشی افسر کے مطابق والد کا کہنا ہے کہ ان کا بیٹا مختلف نوعیت کی تحقیق کرتا رہتا ہے۔
این سی سی آئی اے نے ملزم کے خلاف مقدمہ درج کر رکھا ہے اور مزید قانونی کارروائی جاری ہے۔
