پاکستان کے شوٹر غلام مصطفیٰ بشیر نے ایشین گیمز میں شاندار کارکردگی کا مظاہرہ کرتے ہوئے مردوں کے 25 میٹر ریپڈ فائر پسٹل مقابلے کے فائنل میں جگہ بنا لی۔
جاپان کے شہر ناگویا میں قائم ایچی پریفیکچر جنرل شوٹنگ گیلری میں بشیر نے کوالیفکیشن راؤنڈ میں 578 پوائنٹس حاصل کرکے چھٹی پوزیشن حاصل کی۔
انہوں نے 19 ایکس اسکور بھی کیے جس کی بدولت وہ ٹاپ آٹھ شوٹرز میں شامل ہو کر فائنل کے لیے کوالیفائی کرنے میں کامیاب رہے۔
چین کے سو لیان بوفان نے 592 پوائنٹس اور 24 ایکس کے ساتھ پہلی پوزیشن حاصل کرتے ہوئے ایشین گیمز کا نیا کوالیفکیشن ریکارڈ قائم کیا۔
جنوبی کوریا کے لی گن ہیوک 588 پوائنٹس کے ساتھ دوسرے جبکہ ان کے ہم وطن یون سیو یونگ 581 پوائنٹس کے ساتھ تیسرے نمبر پر رہے۔
بھارت کے انیش 576 پوائنٹس کے ساتھ نویں نمبر پر رہے اور فائنل میں جگہ نہ بنا سکے۔
مردوں کے 25 میٹر ریپڈ فائر پسٹل مقابلے کا فائنل مقابلہ بھی آج ہی ہو گا۔
