ترکیہ کے شہر کونیا میں کھیلے گئے ایک فٹبال میچ کا اختتام ایک غیر معمولی انداز میں ہوا جس نے شائقین کی توجہ حاصل کرلی۔
کونیا اسپور اور فلسطین کی قومی ٹیم کے درمیان مقابلے میں ریفری نے مقررہ وقت مکمل ہونے سے صرف ایک سیکنڈ قبل 89:59 پر آخری سیٹی بجا دی۔
میچ کے فوری بعد اسٹیڈیم کی بڑی اسکرین پر ایک خصوصی پیغام نمودار ہوا جس میں لکھا تھا کہ ’فلسطین کے آزاد ہونے تک میچ ملتوی کر دیا گیا ہے‘۔
اس سے قبل میچ کے ابتدائی لمحات میں 10 منٹ اور 14 سیکنڈ پر ایک علامتی خراجِ تحسین کے طور پر اسٹیڈیم کی لائٹس بند کردی گئی تھیں۔
یہ عمل 7 اکتوبر 2023 سے اسرائیلی حملوں میں شہید ہونے والے فلسطینی اسپورٹس کمیونٹی کے 1014 افراد کی یاد میں کیا گیا۔
اس خراجِ تحسین کے حصے کے طور پر پچ پر رنگین کاغذ کے ٹکڑے (کنفیٹی) اور کھلونے بھی پھینکے گئے۔
