وفاقی وزیر طارق فضل چوہدری نے کہا ہے کہ سیاسی معاملات کا حل سیاسی طریقے سے ہونا چاہیے۔
اسپیکر چیمبر کے باہر میڈیا سے گفتگو کرتے ہوئے طارق فضل چوہدری نے کہا کہ مذاکرات میں خیبرپختونخوا میں دہشتگردی کی روک تھام سمیت اہم امور پر بات چیت ہوگی۔وفاقی وزیر نے کہا کہ خیبرپختونخوا حکومت صوبے میں دہشتگردی کے خاتمے میں تعاون نہیں کر رہی۔
انہوں نے کہا کہ اسلام آباد پر بار بار چڑھائی کرنا مسائل کا حل نہیں ہے۔طارق فضل چوہدری نے امید ظاہر کی کہ مذاکرات کے مثبت نتائج حاصل ہوں گے۔
