مہینوں سے ویران چلڈرن اسپتال نارتھ کراچی کو دوبارہ بحال کرنے کا فیصلہ کیا گیا ہے جسکے تحت آج اسپتال سابقہ انتظامیہ سے نئی انتظامیہ کے حوالے کیا جائے گا.
اسپتال کی حوالگی اور تحویل کا اہم اجلاس چلڈرن اسپتال نارتھ کراچی میں جاری ہے. اجلاس کی صدارت کیلئے سی ای او ڈاکٹر شاہد رضا چلڈرن اسپتال پہنچ گئے.
اسپتال کا انتظام نئے سرے سے سنبھالنے کیلئے اہم اجلاس میں ایڈمنسٹرٹر عارف نیاز نے بھی شرکت کی.
اسپتال کے 400 سے 450 ملازمین کے مستقبل کا معاملہ بھی اجلاس میں زیرغور آئے گا. ملازمین کی بڑی تعداد اسپتال کے احاطے میں موجود ہے.
