دہی ہماری روزمرہ غذا کا اہم حصہ ہے، لیکن آج کل بازار میں دستیاب مہنگا گریک یوگرٹ بھی صحت کے حوالے سے سنجیدہ افراد میں بہت مقبول ہو رہا ہے۔
سوال یہ ہے کہ کیا گریک یوگرٹ واقعی عام دہی سے زیادہ فائدہ مند ہے؟
ماہرِ غذائیت ڈاکٹر ایلین کینڈے نے دونوں اقسام کے دہی کے غذائی فوائد اور فرق کی وضاحت کی ہے۔
عام دہی اور گریک یوگرٹ میں کیا فرق ہے؟
گریک یوگرٹ عام دہی سے اضافی پانی اور چھینے کو الگ کر کے تیار کیا جاتا ہے جس کے باعث یہ زیادہ گاڑھا اور پروٹین سے بھرپور ہوتا ہے۔
ماہرین کے مطابق 100 گرام گریک یوگرٹ میں تقریباً 8 سے 10 گرام پروٹین ہوتا ہے، جبکہ عام دہی میں یہ مقدار 3 سے 4 گرام ہوتی ہے۔
گریک یوگرٹ کن افراد کے لیے بہتر ہے؟
زیادہ پروٹین ہونے کے باعث یہ دہی ورزش کرنے والوں، کھلاڑیوں اور عمر رسیدہ افراد کے لیے مفید ثابت ہو سکتا ہے۔
یہ پٹھوں کو مضبوط رکھنے اور زیادہ دیر تک پیٹ بھرے رہنے میں بھی مدد دیتا ہے۔
:max_bytes(150000):strip_icc()/homemade-plain-greek-yogurt-beauty-5323c43bb8ef4bf891e42d6e5023381b.jpg)
خریدتے وقت کن باتوں کا خیال رکھیں؟
ماہرین نے خبردار کیا ہے کہ مختلف ذائقوں والی گریک یوگرٹ میں اضافی چینی کی مقدار زیادہ ہو سکتی ہے، اس لیے بغیر چینی والا سادہ دہی بہتر انتخاب ہے۔
بہتر انتخاب کیا؟
یہ عام دہی سے تین سے چار گنا مہنگا بھی ہو سکتا ہے۔ تاہم ماہرین کے مطابق عام گھریلو دہی بھی پروٹین، کیلشیم اور دیگر ضروری غذائی اجزا فراہم کرتا ہے، اس لیے ہر شخص کے لیے مہنگا دہی خریدنا ضروری نہیں۔
