برطانوی کامیڈین اور اداکار ڈیوڈ ویلیمز کو کم عمر لڑکیوں کی مبینہ جنسی گرومنگ اور ہراسانی کے الزامات کا سامنا ہے، جس کے بعد پولیس نے معاملے کی تحقیقات شروع کردی ہیں۔
55 سالہ اداکار پر الزام ہے کہ انہوں نے اپنی شہرت اور مقبولیت کو استعمال کرتے ہوئے اسکول کی طالبات کو اپنے جال میں پھنسایا۔ ان پر 15 سالہ لڑکی کو جنسی حملے کا نشانہ بنانے، او لیول کی ایک طالبہ کو بھی ہدف بنانے اور متعدد دیگر لڑکیوں کو ہراساں کرنے کے الزامات عائد کیے گئے ہیں۔
تاہم برطانوی پروگرام ’بریٹنز گاٹ ٹیلنٹ‘ کے سابق جج ڈیوڈ ویلیمز نے تمام الزامات کو بے بنیاد قرار دیتے ہوئے مسترد کردیا ہے۔ ان کا کہنا ہے کہ وہ کوئی جنسی درندہ نہیں ہیں۔
