پورٹ قاسم پر ایل پی جی کی اب تک کی سب سے بڑی کھیپ کی ہینڈلنگ

آؤٹر اینکریج پر موجود ایل پی جی کیریئر سی شائن اس سے بھی بڑی کھیپ لے کر موجود ہے، ترجمان پورٹ قاسم


کاشف حسین November 19, 2026

کراچی:

پورٹ قاسم پر ایک اور جہاز ایل پی جی لے کر پہنچ گیا جہاں ایل پی جی کی اب تک کی سب سے بڑی کھیپ کی ہینڈلنگ کی گئی۔

ترجمان پورٹ قاسم کے مطابق ای وی ٹی ایل پر برتھ ایل پی جی کیریئر پیسیفک اسٹار ون پر 21 ہزار 115 میٹرک ٹن ایل پی جی موجود ہے، پیسیفک اسٹار ون پورٹ قاسم پر اب تک ہینڈل کی گئی سب سے بڑی ایل پی جی کھیپ لے کر پہنچا۔

ترجمان کے مطابق آؤٹر اینکریج پر موجود ایل پی جی کیریئر سی شائن اس سے بھی بڑی کھیپ لے کر موجود ہے، ایل پی جی کیریئر سی شائن پر 21 ہزار 866 میٹرک ٹن ایل پی جی موجود ہے۔

پورٹ قاسم پر اب تک ایل پی جی کی دو بڑی کھیپوں کی آمد ہوچکی ہے جس سے سپلائی بہتر ہونے کا امکان ہے۔