بھارت: فوڈ کمپنیوں کو ویج برگر کی جگہ میٹ برگر ڈیلیور کرنا مہنگا پڑ گیا، بھاری جرمانہ عائد

عدالت نے رقم کی ادائیگی کے لیے 45 دن کی مہلت دی ہے۔


ویب ڈیسک November 20, 2026

بھارت میں ایک فیملی کو ویج برگر کے بجائے میٹ برگر فراہم کرنے پر معروف فاسٹ فوڈ چین اور آن لائن فوڈ ڈیلیوری کمپنی کو 72 ہزار بھارتی روپے ادا کرنے کا حکم دے دیا گیا۔

بھارتی میڈیا کے مطابق یہ واقعہ اپریل 2021 میں ریاست ہریانہ کے شہر گروگرام میں پیش آیا جہاں ایک شخص نے اپنی اہلیہ کے لیے 4 ویجیٹیرین برگر آرڈر کیے تھے۔

تاہم اہلیہ کی طبیعت ناساز ہونے کے باعث بچوں نے برگر کھا لیے جس کے بعد انہیں غیر معمولی ذائقہ محسوس ہوا اور متلی اور الٹی کی شکایت ہوئی۔

Burger King, Swiggy ordered to pay Rs72,000 after serving non-veg burgers as vegetarian

بعد ازاں معلوم ہوا کہ فراہم کیے گئے برگر سبزیوں کے بجائے گوشت سے تیار کیے گئے تھے۔

متاثرہ شخص نے مؤقف اختیار کیا کہ اس غلطی سے ان کے ویجیٹیریئن خاندان کے مذہبی جذبات مجروح ہوئے اور انہیں ذہنی اذیت کا سامنا کرنا پڑا۔

صارف عدالت نے شواہد کی بنیاد پر دونوں کمپنیوں کو غفلت کا ذمہ دار قرار دیتے ہوئے 50 ہزار روپے ہرجانہ اور 22 ہزار روپے قانونی اخراجات ادا کرنے کا حکم دیا۔

عدالت نے رقم کی ادائیگی کے لیے 45 دن کی مہلت دی ہے۔