رنبیر کپور فلم ”جگا جاسوس“ میں 19 سالہ لڑکے کا کردار ادا کریں گے

ممبئی: بالی ووڈ کے چاکلیٹی ہیرو رنبیر کپور اپنی نئی فلم ”جگا جاسوس“ میں 19 سالہ لڑکے کا کردار ادا کریں گے۔

بھارتی میڈیا رپورٹس کے مطابق 32 سالہ رنبیر کپور اپنی نئی آنے والی فلم ”جگا جاسوس“ میں  19 سالہ لڑکے کا کردار ادا کرتے نظر آئیں گے جب کہ ان کے مدمقابل 30 کترینہ کیف ایک 22 سالہ لڑکی کا کردار ادا کرکے اپنا جادو جگائیں گی۔ رپورٹس میں کہا گیا ہے کہ فلم میں دونوں اسٹارز کی عمریں  اپنے کردار کے مطابق  نظرآئے اس کے لئے ایک خاص قسم کا میک اپ کیا جائے گا۔

واضح رہے کہ معروف ہدایت کار انوراگ باسو کی ڈائریکشن میں بننے والی فلم ”جگا جاسوس“ میں رنبیر اور کترینہ کے ساتھ ساتھ گوندا بھی مرکزی کردار ادا کررہے ہیں۔