بینظیر انٹر نیشنل ایئر پورٹ پر تربیتی طیارہ گر کر تباہ

طیارہ حادثے کے نتیجے میں زخمی ہونے والوں کو سول ایوی ایشن ایمبولنس کے ذریعے قریبی اسپتال منتقل کیا گیا۔ فوٹو؛ فائل

---

لاہور: بے نظیر انٹر نیشنل ایئر پورٹ پر چھوٹا تربیتی طیارہ گر کر تباہ ہو گیا جس کے نتیجے میں پائلٹ اور 2 معاون پائلٹ زخمی ہو گئے۔

ایکسپریس نیوز کے مطابق سول ایوی ایشن حکام کا کہنا ہے کہ بے نظیر انٹر نیشنل ایئر پورٹ پر فلائنگ کلب کا سیسنا طیارہ ٹیک آف کرتے ہی رن وے کے قریب گر کر تباہ ہو گیا جس کے نتیجے میں پائلٹ حماد اور 2 معاون پائلٹ زخمی ہو گئے۔ طیارہ حادثے کے نتیجے میں زخمی ہونے والوں کو سول ایوی ایشن ایمبولنس کے ذریعے قریبی اسپتال منتقل کیا گیا۔

ایوی ایشن حکام کا کہنا ہے کہ طیارے کے تباہ ہونے کی وجوہات کا پتہ چلانے کے لئے تحقیقات کا آغاز کر دیا گیا ہے۔