شدت پسندوں کے خلاف آپریشن میں کامیابیاں

عسکریت پسندوں کا نیٹ ورک کراچی،کوئٹہ،لاہورتک پھیلا ہوا ہے،یہ اس لیےہوا ہے کہ صوبائی حکومتوں نےاپنا کردار ادا نہیں کیا۔

Editorial November 02, 2014

عجیب بات یہ ہے کہ قبائلی علاقوں میں بھی عسکریت پسند موجود ہیں جب کہ ملک کے دیگر حصوں میں بھی ان کا نیٹ ورک متحرک ہے، فائل فوٹو

خیبر ایجنسی کی تحصیل باڑہ اور لوئر اورکزئی ایجنسی میں فضائیہ کی بمباری اور زمینی جھڑپوں میں 33 دہشت گردوں کے مارے جانے کی اطلاع دی گئی ہے، جب کہ ان معرکوں میں آٹھ اہلکار شہید ہوگئے۔ واضح رہے ملک کے انتہائی شمالی علاقوں میں پاک فوج کا عسکریت پسندوں کے خلاف آپریشن جاری ہے۔

اخباری اطلاعات کے مطابق تحصیل باڑہ کے مختلف علاقوں میں جیٹ طیاروں اور ہیلی کاپٹروں کی بمباری اور جھڑپوں کے نتیجے میں متعدد عسکریت پسند مارے گئے جب کہ چند سیکیورٹی اہلکار زخمی ہو گئے۔ بمباری سے عسکریت پسندوں کے پانچ ٹھکانوں کے تباہ ہو نے کی خبر بھی دی گئی ہے۔

ہفتہ کی صبح سیکیورٹی فورسز کے ہیلی کاپٹروں اور جیٹ طیاروں نے فضائی کارروائی کا آغاز کیا اور مختلف علاقوں سپاہ، سپن قبر، نالہ ملک دین خیل اور اکا خیل کی ذیلی شاخ میری خیل میں عسکریت پسندوں کے ٹھکانوں کو نشانہ بنایا جب کہ سپن قبر اور سپاہ کے علاقوں میں فورسز اور عسکریت پسندوں کے درمیان جھڑپیں ہوئیں، شمالی وزیرستان میں آپریشن ضرب عضب جاری ہے' اس کے ساتھ ساتھ خیبر ایجنسی میں عسکریت پسندوں کے خلاف آپریشن ہو رہا ہے' اس سے ظاہر ہوتا ہے کہ قبائلی علاقوں میں عسکریت پسندی موجود ہے اور یہاں اسلحہ بھی موجود ہے۔

اورکزئی ایجنسی اور خیبر ایجنسی میں پہلے بھی عسکریت پسندوں کے خلاف کارروائی کی جاچکی ہے لیکن یہاں حالات اب بھی خراب ہیں' اس طرح ماموند ایجنسی میں بھی عسکریت پسند موجود ہیں' اصولی طور پر پورا قبائلی علاقہ تاحال کسی نہ کسی رنگ میں عسکریت پسندی کا شکار ہے' ان علاقوں سے دہشت گردوں اور ان کے نیٹ ورک کے خاتمے کے لیے جہاں فوجی کارروائی ضروری ہے' وہاں صوبائی حکومتوں کے انتظامی مشینری کی چابکدستی بھی ضروری ہے۔

اس کے علاوہ قبائلی علاقوں میں موجود انتظامی سیٹ اپ کو بھی اپنا کردار ادا کرنا چاہیے' فاٹا سیکریٹریٹ کا اچھا خاصا بجٹ ہے۔ یہ بجٹ کن امور پر خرچ ہوتا ہے اس پر بھی نظرثانی کی ضرورت ہے۔ عجیب بات یہ ہے کہ قبائلی علاقوں میں بھی عسکریت پسند موجود ہیں جب کہ ملک کے دیگر حصوں میں بھی ان کا نیٹ ورک متحرک ہے' پشاور' بنوں' ڈیرہ اسماعیل تو قبائلی علاقوں کے ساتھ ہیںان شہروں اور قبائلی علاقوں کی سرحدوں پر چیک پوسٹیں قائم ہیں۔

اس کے باوجود اسلحہ اور دہشت گرد باآسانی سیٹلڈ ایریاز تک پہنچ جاتے ہیں'یہ کس کی ناکامی ہے؟ عسکریت پسندوں کا نیٹ ورک کراچی' کوئٹہ' لاہور تک پھیلا ہوا ہے' یہ اس لیے ہوا ہے کہ صوبائی حکومتوں نے اپنا کردار ادا نہیں کیا' اگر صوبائی حکومتیں متحرک کردار ادا کرتیں تو آج ملک کے شہروں میں دہشت گردوں کا نیٹ ورک قائم نہ ہوتا۔فوج کا کام دہشت گردوں کے ٹھکانوں کو تباہ کرنا ہے اور وہ یہ کام بخوبی کر رہے ہیں۔ اگلا مرحلہ سول حکومت اور اس کی انتظامیہ کا ہے جب تک وہ اپنا کردار ادا نہیں کرتے 'دہشت گردی کے عفریت پر قابو پانا خاصا مشکل کام ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

شدت پسندوں کے خلاف آپریشن میں کامیابیاں

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

شدت پسندوں کے خلاف آپریشن میں کامیابیاں

ہمارے ساتھ شامل ہوں

مقبول خبریں

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین