رشی کپور نے مادھوری اورریکھا سے معافی مانگ لی

رشی کپور کے دل میں مادھوری ڈکشٹ اور ریکھا کے ساتھ کامیاب فلم نہ دینے کی خلش ہے۔ فوٹو : فائل

---

90 سے زائد فلموں میں رومانوی ہیرو کا کردار ادا کرنے والے سینئر فنکار رشی کپور کے دل میں مادھوری ڈکشٹ اور ریکھا کے ساتھ کامیاب فلم نہ دینے کی خلش ہے۔

رشی اور مادھوری تین فلموں سائیبان (1993)، یارانہ (1995) اور پریم گرنتھ (1996) میں کام کر چکے ہیں لیکن بدقسمتی سے ان میں سے کوئی فلم باکس آفس پر راج نہ کر سکی۔ رشی نے ٹوئیٹر پر 'دھک دھک گرل' کے ساتھ اپنی ایک پرانی تصویر شیئر کرتے ہوئے پرانے دنوں کو یاد کیا اور ان سے کامیاب فلم نہ دے پانے پر معافی مانگی۔

اسی طرح انھوں نے باکس آفس پر ہٹ فلم نہ دینے کی وجہ سے ریکھا کے ساتھ بھی اپنی ایک تصویر شیئر کی۔ دونوں اسٹارز دیدارِ یار (1982)، رام تیرے کتنے نام (1985)، شیش ناگ (1990)، امیری غریبی (1990) اور آزاد دیش کے غلام (1990) میں کام کر چکے ہیں۔ آخر میں ستر کی دہائی کے سپر اسٹار رشی نے وعدہ کیا کہ اگر انھیں ریٹائرمنٹ سے پہلے موقع دیا گیا تو کریکٹر رولز میں دونوں خواتین کے ساتھ ہٹ فلمیں دیں گے۔