ٹیسٹ میں شکست سے ابتدائی کامیابیوں کا مزہ کرکرا ہوگیا بنگلہ دیشی قائد

تنقید صرف اس لیے ہورہی ہے کہ ٹور کے آغاز میں اچھی پرفارمنس سے توقعات بہت زیادہ بڑھ گئی تھیں، بنگلہ دیشی قائد۔ فوٹو : اے ایف پی

---

بنگلہ دیشی کپتان مشفیق الرحیم کا کہنا ہے کہ ٹیسٹ سیریز میں شکست سے ابتدائی کامیابیوں کا مزہ کرکرا ہوگیا۔

اب پھر ہمیں صفر سے شروعات کرنا ہوں گی، انھوں نے کہا کہ دوسرے میچ کیلیے پلیئنگ الیون کی سلیکشن اور ٹاس جیتنے کے بعد پہلے فیلڈ سنبھالنے کے فیصلوں پر اعتراضات درست نہیں ہیں، مشفیق نے کہا کہ ہمیں سومیہ سرکار کی صورت میں تیسرے پیسر کی سہولت موجود تھی، تنقید صرف اس لیے ہورہی ہے کہ ٹور کے آغاز میں اچھی پرفارمنس سے توقعات بہت زیادہ بڑھ گئی تھیں۔

اس بار بھی نتیجہ ہمارے حق میں نکلتا تو کوئی بات نہ ہوتی، میچ کی صبح تک جوبیر ٹیم میں تھے مگر بدقسمتی سے انجری کے باعث ہمیں ان کے متبادل کو میدان میں اتارنا پڑا، اگر وہ کھیلتے تو ہمارے لیے وہی کردار ادا کرسکتے تھے جو یاسر شاہ نے پاکستان ٹیم کیلیے ادا کیا۔ اسی طرح شہادت حسین بھی اگر انجری کا شکار نہیں ہوتے تو صورتحال مختلف ہوسکتی تھی۔