کوئٹہ کے منوجان روڈ پر فائرنگ سے 2 افراد جاں بحق

پولیس نے پشتون آباد میں سرچ آپریشن کے دوران 243 مشتبہ افراد گرفتار کیے گئے ہیں فوٹو: فائل

---

لاہور: منوجان روڈ پر نامعلوم افراد کی فائرنگ سے 2 افراد جاں بحق ہو گئے جب کہ دوسری جانب پشتون آباد میں سرچ آپریشن کے دوران 240 سے زائد مشتبہ افراد کو حراست میں لے لیا گیا۔

ایکپسریس نیوز کے مطابق کوئٹہ کے منوجان روڈ پر موٹر سائیکل پر سوار افراد فائرنگ کرکے فرارہوگئے ، فائرنگ کی زد میں آکر 2 افراد موقع پر ہی جاں بحق ہوگئے، دونوں لاشوں کو سول اسپتال منتقل کردیا گیا۔ پولیس نے جائے وقوعہ سے شواہد اکٹھے کرکے تفتیش شروع کردی ہے۔

وزیراعلیٰ بلوچستان ڈاکٹر مالک بلوچ کی منوجان روڈ پر فائرنگ کی مذمت کرتے ہوئے متعلقہ حکام کو واقعے میں ملوث افراد کی گرفتاری کی ہدایت کی ہے۔

اس سے قبل پولیس نے پشتون آباد کے علاقے محمود آباد اورسیٹلائٹ ٹاؤن میں سرچ آپریشن کیا جس کے نتیجے میں 243 مشتبہ افراد گرفتار کیے گئے ہیں جن سے اسلحہ بھی بر آمد کیا گیا ہے۔پولیس کا کہنا ہے کہ برآمد کیے جانے اسلحے میں 9 ایم ایم پسٹل،رائفل ،تھری ناٹ تھری ،ٹی ٹی پسٹل ،بارہ بوررائفل اورایک ریوالوربھی شامل ہے۔گرفتار کیے جانے افراد کو نا معلوم جگہ پر منتقل کر دیا گیا ہے جن سے تفتیش بھی جاری ہے۔