فنکارکو عجیب و غریب صورتحال سے بھی لطف اندوز ہونا پڑتا ہے شاہ رخ خان

اداکار آج کل اپنی نئی آنے والی فلم دل والے کی شوٹنگ میں مصروف ہیں: فوٹو:فائل

---

بالی ووڈ کنگ شاہ رخ خان کا کہنا ہے کہ ایک فنکار کو شوٹنگ کے دوران ہر قسم کی صورتحال سے نمٹنا ہوتا ہے چاہے وہ صورت حال کتنی ہی عجیب کیوں نہ ہو۔

بھارتی میڈیا رپورٹس کے مطابق اداکار شاہ رخ خان کا مائیگرو بلاگنگ ویب سائٹ ٹوئیٹر پر کہنا تھا کہ کسی بھی فلم کی شوٹنگ کے دوران ایک فنکار کو ہر قسم کی صورتحال سے نمٹنا ہوتا ہے، فنکار کو اپنی پسند نا پسند سے دور ہوکر شوٹنگ کے دوران ہر قسم صورت حال میں یہ دکھانا پڑتا ہے کہ وہ ان حالات سے لطف اندوز ہورہا ہے چاہے وہ کتنی ہی عجیب و غریب اور ناگوار صورت حال ہی کیوں نہ ہو۔

Awkward weird strange uncomfortable.Actors hav 2 do wot they hav 2 do & show they r enjoying it.That is the only explanation 2 start the day

— Shah Rukh Khan (@iamsrk) October 24, 2015

واضح ر ہے کہ شاہ رخ خان آج کل اپنی نئی آنے والی فلم "دل والے" کی شوٹنگ میں مصروف ہیں جس میں ان کے ساتھ اداکار کاجول بھی اپنی اداکاری کے جوہر دکھائیں گی جب کہ فلم 18 دسمبر کو سینیما گھروں کی زینت بنے گی۔