موسم میں تبدیلی نزلہ زکام اور گلے کی بیماریوں میں اضافہ

اسکول جانیوالے بچوں کو ناشتے میںانڈے کے ساتھ شہدکااستعمال کرائیں،گھرمیں تیارکردہ یخنی اورسوپ زیادہ فائدہ مند ہوتے ہیں،احتیاطی تدابیرا ختیار کی جائیں. فوٹو : فائل

---

NEW DEHLI: ماہرین نے طب نے کہا ہے کہ موسم کی تبدیلی کے ساتھ متعدد بیماریاں جنم لے رہی ہیں۔

ان میں گلے کی خرابی، نزلہ، زکام اور فلو بھی شامل ہے، دن میں سخت گرمی اور رات کو خنکی کا موسم شہریوں کو بیمارکرسکتا ہے، رات میں بچوںکوبھی براہ راست پنکھے کے نیچے نہ سلائیں اوررات میں ائیرکنڈیشنڈ بھی بندرکھیں،ماہرین نے بتایا کہ بدلتے موسم میں ٹھنڈے پانی ، ٹھنڈے مشروبات اورکھٹی اشیا سے مکمل پرہیز کرنا چاہیے کیونکہ ان اشیا کے استعمال سے گلے خراب ہورہے ہیں،گلے کے انفیکشن سے متاثرہ افرادکو تیز بخار بھی لاحق ہورہا ہے، ماہرین نے بتایا کہ موسم سرما کی آمد کے ساتھ ساتھ فلوکا وائرس بھی پھیلتا ہے فلوایک سے دوسرے کو منتقل ہوکر متاثر کرتا ہے، نزلہ ،زکام اور فلو ہونے کی صورت میں بچوں سے دور رہا جائے۔

فلو والے افراد چھوٹے بچوںکوگود میں نہ لیں اور اپنے آپ کو بچوں سے دور رکھیں، بچوں میں قوت مدافعت کم ہونے کی وجہ سے فلوکا وائرس فوری بچے کو اپنی لپیٹ میں لے لیتا ہے،وہ مائیں جو اپنے بچوں کو فیڈنگ کرارہی ہیں وہ فلو،نزلہ زکام سے بچیں، ماہرین نے مائوں کومشورہ دیاہے کہ وہ فلو، نزلہ زکام ہونے کی صورت میں گھرمیں تیارکردہ یخنی،سوپ اور بھرپورخوراک استعمال کریں اور نارمل پانی کا زیادہ استعمال رکھیں اور معالج سے معائنہ کرائیں ،ماہرین نے بتایا کہ برسیٹ فیڈنگ کرانے والی مائوںکو بدلتے موسم میںبہت زیادہ احتیاط کی ضرورت ہوتی ہے۔

ذرا سی لاپرواہی سے نوزائیدہ اور نومولود بچے شدید بیمار ہوجاتے ہیں، مائیں ٹھنڈی اشیا سے مکمل پرہیزکریں اور بدلتے ہوئے موسم میں بچوں کوسردی سے بچائیں، ماہرین کے مطابق اسکول جانے والے بچوں کوبھی سردموسم سے بچانے کیلیے گرم کپڑوں کا استعمال کرائیں اورصبح کے ناشتے میں بچوں کو انڈے کے ساتھ شہد کا ضرور استعمال کرائیں، سرد موسم کالطف لینے کیلیے احتیاطی تدابیر اختیار کی جائے، لاپرواہی سے موسم سرما میں ناک، کان، گلے کی بیماریوں میں اضافہ ہوتاہے جس میں تمام عمرکے افراد متاثرہوتے ہیں، الرجی کے مسائل میں بھی اس موسم میںاضافہ ہوجاتا ہے، ماہرین نے بتایا کہ خشک موسم اور بے جا آلودگی، ٹھنڈے پانی اور کھٹی اشیا کے استعمال سے ناک، کان، گلے کے امراض میں اضافہ ہورہا ہے۔

انھوںنے بتا یا کہ ان بیماریوںکا شکار چھوٹے بچے اور بوڑھے زیادہ ہوتے ہیں لہٰذا والدین کوبچوںکے معاملے میں انتہائی محتاط طرزعمل کا مظاہرہ کرنا چاہیے، ان ماہرین نے کہاکہ بچے ، بوڑھے، جوان مرد و خواتین فوری طور پر ٹھنڈے پانی ، کولڈ ڈرنکس ،آئس کریم، قلفی، کھٹے ٹھنڈے مشروبات ، چٹ پٹی و تلی ہوئی اشیا، غیر معیاری بناسپتی گھی وغیرہ کے استعمال سے گریزکریں۔