امن و امان كے نام پر سندھ پر وفاق کی چڑھائی کی مذمت کرتے ہیں آصف زرداری

انتہاپسندوں كو مذہب كے نام پر اس ملک كو تباہ كرنے كی اجازت نہیں دیں گے، شریک چیرمین پیپلز پارٹی، فوٹو: فائل

---

سابق صدر آصف علی زرداری كا کہنا ہے کہ ہم آئینی اصولوں كو پامال نہیں ہونے دیں گے جب کہ اس آمرانہ ذہنیت كی بھی مذمت كرتے ہیں جس كے تحت امن و امان كے نام پر اور تمام آئینی اصولوں كے خلاف سندھ پر وفاق نے چڑھائی كردی ہے۔



بینظیر بھٹو کی برسی کے موقع پر جاری اپنے بیان میں پیپلز پارٹی کے شریک چیرمین کا کہنا تھا کہ ملک میں آئین اور جمہوریت کے لئے جدو جہد کرنے كے وژن پر بے نظیر بھٹو كو خراجِ عقیدت پیش كرتے ہیں، ان تمام لوگوں كو بھی سلام پیش كرتے ہیں جنہوں نے جمہوری اقدار كی سربلندی كے لئے لڑتے ہوئے جامِ شہادت نوش كیا۔



آصف زرداری کا کہنا تھا کہ بے نظیر بھٹو کی برسی کے موقع پر ہم اس عزم كا اعادہ كرتے ہیں كہ آئینی اصولوں كو پامال نہیں ہونے دیں گے اور نہ ہی انتہاپسندوں كو مذہب كے نام پر اس ملک كو تباہ كرنے كی اجازت نہیں دیں گے، اس آمرانہ ذہنیت كی بھی مذمت كرتے ہیں جس كے تحت امن و امان كے نام پر اور تمام آئینی اصولوں كے خلاف سندھ پر وفاق نے چڑھائی كر دی ہے۔ ان کا کہنا تھا کہ ہم عسكریت پسندی اور انتہاپسندی كے ان علمبرداروں كی بھی مذمت كرتے ہیں جو مذہب كے نام پر ریاست پر قبضہ كركے اپنی خودساختہ خلافت قائم كرنا چاہتے ہیں، انتہا پسندوں كا ایجنڈہ عراق اور شام میں داعش، كینیا میں الشباب اور نائجیریا میں بوكوحرام سے مختلف نہیں ہے، واضح كرنا چاہتے ہیں كہ عسكریت پسندوں كو ان كے عزائم میں كامیاب نہیں ہونے دے گے۔



پیپلز پارٹی کے شریک چیرمین نے کہا کہ آج ہم ان شہیدوں كو یاد كرتے ہیں جنہوں نے جمہوریت، آئین اور قانون كی حكمرانی اور دہشتگردی كے خلاف لڑتے ہوئے جامِ شہادت نوش كیا، شہیدوں كی قربانیوں ہی كی وجہ سے دہشتگرد اپنے منصوبوں میں كامیاب نہیں ہو سكے، ان لوگوں كو بھی خراجِ عقیدت پیش كرتے ہیں جنہوں نے ڈكٹیٹرشپ سے لڑتے ہوئے جلاوطنی اختیار كی، پابندِ سلاسل ہوئے اور پھانسیوں كے پھندے پر چڑھ گئے۔







دوسری جانب پیپلزپارٹی کی چیئرپرسن اور سابق وزیراعظم شہید بے نظیر بھٹو کی 8 ویں برسی آج ملک بھرمیں منائی جائے گی، ملک کے تمام اضلاع میں قرآن خوانی اور فاتحہ خوانی کے اجتماعات ہوں گے۔بے نظیر بھٹو کی برسی کی مرکزی تقریب گڑھی خدا بخش میں ہوگی، برسی کی تقریبات کا آغاز صبح 9 بجے قرآن خوانی سے ہوگا۔



قرآن خوانی کے بعد 10 بجے سے 12بجے تک لنگرعام ہوگا، ایک بجے گڑھی خدا بخش میں مرکزی جلسہ ہوگا جس سے پیپلزپارٹی کے چیئرمین بلاول بھٹو زرداری خطاب کریں گے، 5بج کر 20منٹ پر2منٹ کی خاموشی اختیارکی جائے گی اور شہید بے نظیر بھٹوکوخراج عقیدت پیش کیا جائے گا، 5بج کر 25منٹ پر بے نظیر بھٹو اور دیگر کے ایصال ثواب کے لیے فاتحہ خوانی کی جائے گی جس کے بعد پارٹی کی سینٹرل ایگزیکٹو کمیٹی کا اجلاس بلاول بھٹوزرداری کی صدارت میں نوڈیرو ہاؤس میں ہوگا ۔