ٹاؤنز میں لاکھوں آلائشوں کو ٹھکانے لگایا گیا جراثیم کش اسپرے اور چونے کا چھڑکاؤ

گورنر عشرت العباد کو جمشید ٹائون میں آلائشیں دفن کرنے سے متعلق بریفنگ دی جارہی ہے۔ فوٹو : ایکسپریس

---

ISLAMABAD: کراچی کے تمام ٹائونز انتظامیہ اور عملے نے مجموعی طور پر لاکھوں آلائشیں اٹھائیں ۔

انھیں دفن کردیا اس موقع پر گورنر سندھ ڈاکٹر عشرت العباد ، وزرا، ایڈمنسٹریٹر بلدیہ عظمیٰ محمد حسین سید ، اراکین قومی اسمبلی اور اراکین صوبائی اسمبلی نے ٹائونز اور یوسیز کے افسران اور حکام کے ہمراہ شہر کا دورہ کرکے صفائی کے تمام کاموں کا جائزہ لیا، جراثیم کش اسپرے اور چونے کا چھڑکائو کرایا تفصیلات کے مطابق جمشیدٹائون میں چیف آفیسر نعیم آفندی کی زیرنگرانی 71ہزار آلائشیں ٹھکانے لگائی گئیں، گورنر سندھ ڈاکٹر عشرت العباد اور ایڈمنسٹریٹر بلدیہ عظمیٰ کراچی محمد حسین سید نے جمشید ٹائون کے علاقوں اور آلائشوں کے دفنانے کی جگہ کا معائنہ کیا۔

لانڈھی ٹائون میں 72ہزار آلائشوں کو ٹھکانے لگانے گیا، اراکین قومی وصوبائی اسمبلی آصف حسنین ،خالد احمد، چیف آفیسر لانڈھی ٹائون عبدالراشد خان نے کام کی نگرانی اور انتظامات کا جائزہ لیا،اورنگی ٹائون میں عیدالاضحی کے تینوں روز 28873 آلائشیں ٹھکانے لگائی گئیں، اراکین قومی و صوبائی اسمبلی ڈاکٹر عبدالقادر خانزادہ، اقبال قادری ایڈوکیٹ ،سید منظر امام اورسیف الدین خالدنے چیف میونسپل آفیسر اورنگی ٹائون قمر شیخ کے ہمراہ آلائشیں اٹھانے کے کام کا معائنہ کیا۔

بلدیہ ٹائون میں 70166 آلائشوں کو دفنایاگیا ہے، رکن قومی اسمبلی خواجہ سہیل منصور، رکن صوبائی اسمبلی محمد حنیف شیخ اور بلدیہ ٹائون کے ایڈمنسٹریٹر محمد ظفر مجاہد نے مختلف یونین کونسلز کا دورہ کرکے صفائی ستھرائی کے کاموں کا جائزہ لیا، ملیر ٹائون میں عید الاضحی پر 63ہزار200 آلائشوں کو ٹھکانے لگا گیا ہے، فوکل پرسن ملیر ٹائون غلام رسول کے ہمراہ رکن قومی اسمبلی ساجد احمد، رکن صوبائی اسمبلی وسیم احمد اور نے عید کے تینوں دن ٹائون میں صفائی ستھرائی کے کاموں کی نگرانی کی۔صدر ٹائون میں عید پر 70000آلائشوں کو ٹھکانے لگایا گیا ۔

وفاقی وزیر ڈاکٹرفاروق ستار نے حق پرست اراکین صوبائی اسمبلی طاہر قریشی، مقیم عالم ایڈوکیٹ اور چیف آفیسر صدر ٹائون عاصم علی خان کے ہمراہ آلائشیں اٹھانے کے کام کا معائنہ کیا،قربانی کے مقامات پر چونے اور بلیچنگ پائوڈر کے چھڑکائو کے ساتھ جراثیم کش ادویات اور خوشبودار اسپرے کیا گیا ۔کیماڑی ٹاؤن میں عیدالاضحی پر 49 ہزار آلائشوں کو بر وقت اٹھانے کا کام انجام دیا گیا،چیف آفیسر کیماڑی ٹاؤن مسرور میمن نے آلائشیں اٹھانے کے کام کی نگرانی کی،کورنگی ٹائون میں 42258 آلائشیں اٹھا کر ٹھکانےلگائی گئی.

حق پرست رکن صوبائی اسمبلی معین عامر پیر ذادہ اور ایڈمنسٹریٹر کورنگی ٹائون محمدسمیع خان نے معائنہ کیا، بن قاسم ٹائون میں عید الاضحی پر 48477 آلائشوں کو ٹھکانے لگایا گیا ایڈمنسٹریٹر طارق مغل کی زیر نگرانی الائشیں اٹھانے اور چونے اور جراثیم کش ادویات کا چھڑکائو کیا گیا، ایڈمنسٹریٹر طارق مغل نے افسران کے ہمراہ شاہ لطیف ٹاون کے مختلف علاقوں کا دورہ کیا،گلبرگ ٹائون میں50 ہزار آلائشیں اٹھائی گئیں، ایڈمنسٹریٹر لطیف لودھیو دیگر نے صفائی مہم کی نگرانی کی، گلشن ٹائون میں ایک لاکھ سے زائد آلائشیں دفن کی گئی ہیں.

میٹرو پولیٹن کمشنر کراچی متانت علی خان نے چیف آفیسر گلشن اقبال ٹاؤن شفیق الرحمن کے ہمراہ دورہ کیا،ٹائون انتظامیہ کی جانب سے چونے کا چھڑکاؤ اور خوشبو دار اسپرے بھی کیا گیا، شاہ فیصل ٹائون میں 41ہزار655 آلائشیں اٹھاکر دفنائی گئیں، رکن صوبائی اسمبلی نشاط قادری اور چیف آفیسر کمال مصطفی نے صفائی مہم کی نگرانی کی، نیوکراچی ٹائون میں 72 ہزار آلائشیں اٹھائی گئیں، رکن قومی اسمبلی عبدالوسیم، مشیر وزیراعلیٰ خواجہ اظہار الحسن، رکن صوبائی اسمبلی اور ایڈمنسٹریٹر نیوکراچی ٹائون آفاق سعید نے مختلف علاقوں صفائی ستھرائی کے کاموں کا معائنہ کیا،لیاری ٹائون میں 38000 آلائشوں کو ٹھکانے لگا یا گیا۔

چیف میونسپل آفیسر محمد رئیسی نے پیپلز پارٹی کراچی ڈویژن کے جنرل سیکریٹری نجمی عالم کو عید الضحیٰ کے موقع پرلیاری میں صفائی ستھرائی کے حوالے سے کیے گئے اقدامات کی تفصیلات سے آگاہ کیا، لیاقت آباد ٹائون میں عیدالاضحی کے تینوں دن آلائشیں اٹھانے وٹھکانے لگانے کاکام کیا گیا، گورنر سندھ ڈاکٹر عشرت العباد نے لیاقت آباد ٹائون میں صفائی مہم کا معائنہ کیا اور ٹائون کی کارکردگی کو سراہا، نارتھ ناظم آباد ٹائون میں مجموعی طور پر 67ہزار الائشوں کو ٹھکانے لگایا گیا، سائٹ ٹائون میں عید الاضحی پر 48ہزار 302 آلائشوں کو دفن کیا گیا،اس موقع پر حق پرست صوبائی وزیر عبدالحسیب نے ایڈمنسٹریٹر سائٹ ٹائون کے ہمراہ صفائی کے کاموں کا معائنہ کیا۔