کورنگی روڈ پر ٹریفک حادثے میں معمر شخص ہلاک

کورنگی روڈ پر کالا پل کے قریب نجی میڈیکل سینٹر کے سامنے تیز رفتار گاڑی کی ٹکر سے معمر شخص ہلاک ہوگیا۔ فوٹو: فائل

---

ڈیفنس میں ٹریفک حادثے میں معمر شخص ہلاک ہوگیا ، متوفی کی فوری طور پر شناخت نہ ہوسکی۔

تفصیلات کے مطابق ڈیفنس کے علاقے کورنگی روڈ پر کالا پل کے قریب نجی میڈیکل سینٹر کے سامنے تیز رفتار گاڑی کی ٹکر سے معمر شخص ہلاک ہوگیا ، حادثے کا ذمے دار ڈرائیور گاڑی سمیت فرار ہونے میں کامیاب ہوگیا۔

متوفی کی لاش فوری طور پر ضابطے کی کارروائی کے لیے جناح اسپتال منتقل کی گئی ، فوری طور پر متوفی کی شناخت نہیں ہوسکی،پولیس نے تلاش ورثا کی غرض سے لاش ایدھی سرد خانے میں رکھوادی ہے ۔