بھارتی ایئرفورس کی نااہلی یوم جمہوریہ پراپنی ہی سرزمین پر بم برسادیئے

پانچوں بم ویران علاقے میں گرے جس سے کسی قسم کا جانی نقصان نہیں ہوا،بھارتی ائیر فورس:فوٹو:فائل

---

KARACHI: بھارتی ریاست راجستھان میں فوجی پریڈ کے دوران ایک جنگی طیارے نے اپنے ہی علاقے میں ایک دو نہیں پورے 5 بم برسادیئے تاہم خوش قسمتی سے کوئی جانی نقصان نہیں ہوا۔

غیرملکی خبررساں ادارے کے مطابق بھارت میں یوم جمہوریہ کے موقع پر ملک بھر میں فوجی پریڈ کا اہتمام ہوا، ایسی ہی ایک پریڈ ریاست راجستھان میں پاکستان کی سرحد سے ملحقہ ضلع بارمر کے علاقے گگُڑی میں بھی ہوئی، اس پریڈ کو دیکھنے کے لئے ہزاروں کی تعداد میں لوگ موجود تھے۔

Five bombs accidentally drop from of a fighter plane over Gugdi (Barmer, Rajasthan); explosion heard in 10 km radius. No casualties.

— ANI (@ANI) January 26, 2016

پریڈ کے دوران بھارت کی مسلح افواج کی جانب سے اپنی عسکری صلاحیتوں کا مظاہرہ جاری تھا کہ اچانک پورا علاقہ زور دار دھماکوں سے گونج اٹھا۔ تحقیقات سے پتہ چلا کہ فضائی کرتب بازی کے دوران ایک جنگی جہاز میں موجود 5 بم گر گئے ہیں لیکن خوش قسمتی سے کوئی جانی نقصان نہیں ہوا۔ بھارتی ائیرفورس نے بم گرنے کے واقعے کی تحقیقات کا آغاز کردیا ہے۔

Barmer (Rajasthan):An IAF fighter was launched which intercepted the object & brought it down. Further investigation under progress,says IAF

— ANI (@ANI) January 26, 2016

واضح رہے کہ بھارت میں یوم جمہوریہ کی مرکزی تقریب انڈیا گیٹ نئی دلی میں ہوئی جب کہ فرانسیسی صدرفرانسس اولاند تقریب کے مہمان خصوصی تھے ،تقریب میں پریڈ کے دوران فرانسیسی فوجی دستوں نے پہلی بار تقریب میں خصوصی طورپرشرکت کی۔