سی این جی کی قیمت میں960 روپے فی کلو اضافے کی سفارش نئی قیمت پر اتفاق ہو گیا اوگرا

ریجن ون میں ساڑھے 10 روپے اضافے کی تجویز ہے،ترجمان اوگرا، سی این جی ایسوسی ایشن اور مشیر پٹرولیم نے فارمولامسترد کردیا فوٹو: فائل

---

ملک بھر میں سی این جی ایسوسی ایشن کی غیر اعلانیہ ہڑتال کے باعث صارفین اور شہریوں کو شدید اذیت کا سامنا ہے۔

لاہور سمیت متعدد شہروں میں بیشتر سی این جی اسٹیشنز نہیں کھل سکے، اوگرا نے ایک بار پھر سی این جی کی قیمتوں کا نیا فارمولا تیار کر کے وفاقی حکومت کو بجھوا دیا جبکہ وزیراعظم کے مشیر پٹرولیم ڈاکٹر عاصم حسین نے نئے فارمولے کی سفارشات مسترد کردیں، سی این جی ایسوسی ایشن نے بھی یکطرفہ طور پر سی این جی کی قیمتوں کا فارمولہ تسلیم کرنے سے انکار کردیا، لاہور ہائی کورٹ نے سی این جی اسٹیشن مالکان کی جانب سے اوگرا کو چھاپے مارنے اور اسٹیشن سیل کرنے پر حکم امتناع جاری کرنے کی استدعا مسترد کر دی۔

تفصیلات کے مطابق لاہور، ساہیوال، اوکاڑہ، قصور، پتوکی اور شیخوپورہ سمیت متعدد شہروں میں تین روزہ اور کراچی میں ایک روزہ بندش کے بعد گیس لوڈ منیجمنٹ کے تحت سی این جی اسٹیشن کو گیس کی فراہمی بحال ہونے کے بعد بھی جمعرات کو بیشترسی این جی اسٹیشنز نہ کھل سکے جبکہ خیبر پختونخوا میں بھی 70 فیصد سی این جی اسٹیشن بند رہے۔ کوئٹہ بھر میں تمام اسٹیشنز بند تھے۔ اکا دکا کھلے ہوئے سی این جی اسٹیشنز پر گاڑیوں کی طویل قطاریں لگی رہیں۔ ملک بھر میں سی این جی اسٹیشنز بندہونے کی وجہ سے صارفین پریشان ہیں۔ میلوں لمبی قطاروں اور گھنٹوں کے انتظار کے باعث عوام سخت اذیت میں مبتلا ہیں۔ دوسری جانب سی این جی اونرزایسوسی ایشن نے موجودہ قیمت پر گیس فروخت کرنے سے انکار کرتے ہوئے کہا ہے کہ نقصان سے تنگ آکر اسٹیشنز بند ر کھیں گے۔