کیون پیٹرسن انگلیوں پر ٹیپ لگانے والے پولارڈ سے الجھ پڑے

میلبورن: بگ بیش میں ایڈیلیڈ اسٹرائیکرز کے کیرون پولارڈ کی انگلیوں پر ٹیپ دیکھ کر میلبورن اسٹارز کے کیون پیٹرسن ان سے الجھ پڑے۔

اسٹرائیک پر موجود پیٹرسن نے بولنگ کے دوران پولارڈ سے انگلیوں پر لپٹی ٹیپ اتارنے کو کہا، اس دوران دونوں میں بحث شروع ہوگئی تاہم امپائرز نے پولارڈ کو ٹیپ کے ساتھ بولنگ کی اجازت دے دی۔ قوانین کے مطابق کوئی بھی بولر اپنی انگلیوں کو چوٹ سے بچانے کیلیے امپائر کی اجازت سے ٹیپ استعمال کرسکتا ہے۔