ماہرہ خان ’’ظالماں‘‘ دیکھ کر شرما گئیں

 کراچی: پاکستان کی دلکش اداکارہ ماہرہ خان جو بالی ووڈ فلم’’رئیس‘‘ میں شاہ رخ کی ہیروئن کا کردار ادا کررہی ہیں اپنے ریلیز ہونے والے گانے ’’ظالماں‘‘ کو دیکھ کر شرما گئیں۔

شاہ رخ اورماہرہ خان کی فلم رئیس 25 جنوری کوسینما گھروں کی زینت بنے گی لیکن اس کے ریلیز ہونے والے گانوں نے دھوم مچارکھی ہے جس میں ’’لیلیٰ او لیلی، ظالماں اوراُڑی اُڑی جائے‘‘ شامل ہیں۔

اس خبر کو بھی پڑھیں : شاہ رخ اورماہرہ کی اڑی اڑی جائے دل کی پتنگ

I was feeling shy. https://t.co/BA29lXiG4c

— Mahira Khan (@TheMahiraKhan) January 13, 2017

ماہرہ خان ظالماں اوراُڑی اُڑی جائے میں شاہ رخ خان کے ساتھ انتہائی دلکش اورخوبصورت نظر آرہی ہیں جس پر مداح بھی دل کھول کر ماہرہ کی تعریف کررہے ہیں اور ایسے ہی ایک مداح نے ٹوئٹر پر جب ان سے سوال کیا کہ ظالماں گانا دیکھ کر آپ نے کیسا محسوس کیا تو ماہرہ خان نے بڑے معصومانہ انداز میں جواب دیا کہ وہ شرما گئیں۔

Amazing. @rahuldholakia helped me every step of the way. https://t.co/x3fAXPuyJK

— Mahira Khan (@TheMahiraKhan) January 13, 2017

دوسری جانب ماہرہ نے ٹوئٹر پر فلم کے ہدایت کارراہول ڈھولکیا کا شکریہ ادا کرتے ہوئے کہا کہ آپ نے ہرقدم پر میری مدد کی۔

اس خبر کو بھی پڑھیں : شاہ رخ اور ماہرہ خان کی فلم رئیس کا ایک اور گانا ریلیز

فلم’’رئیس‘‘ کے گانوں نے ریلیز ہوتے ہی دھوم مچادی ہے لیکن اب ماہرہ کے مداحوں کو انتظار ہے بڑی بے چینی سے 25 جنوری کا جب فلم ریلیز کی جائے گی۔