موبائل فون کا استعمال دماغ میں رسولی بننے کا سبب نہیں

جدید تحقیق میں موبائل فون کے استعمال اور رسولی کا آپس میں کوئی تعلق ثابت نہیں ہوا۔ فوٹو: فائل

---

برطانیہ میں ایک جامع تحقیق کے بعد کہا گیا ہے کہ موبائل فون کے استعمال سے دماغ میں رسولی پیدا ہونے کا سبب نہیں بنتا ہے۔

برٹش میڈیکل جرنل کی تحیق میں برطانیہ میں موبائل کا استعمال کرنے والے 2782 لوگوں سے انٹرویو کرنے کے بعد تحقیق کار اس نتیجے پر پہنچے ہیں کہ موبائل فون کے استعمال اور رسولی، گلیوما،کا آپس میں کوئی تعلق ثابت نہیں ہوا ہے۔تحقیق کاروں نے 966 ایسے لوگوں سے بھی ملاقات کی ہے جن کے دماغ میں رسولی بن چکی ہے۔

تحقیق کارروں میں لیڈز یونیورسٹی ، انسٹیٹوٹ آف کینسر ریسرچ ، کوئین میڈیکل سینٹر نوٹنگم کے ماہرین شامل تھے۔برطانوی ماہرین کا کہنا ہے کہ بچوں کو احتیاطاً موبائل فون کم استعمال کرنا چاہیے۔موبائل کے بارے میں بحث ختم نہیں ہوئی کیونکہ ابھی یہ طے نہیں ہو سکا کہ ان سے نکلنے والی ایلکٹرومیگنیٹک لہریں انسانوں کے لیے نقصان دہ ہیں کہ نہیں۔دعویٰ کیا جاتا رہا ہے کہ یہ لہریں خلیوں، دماغ یا جسم مدافعاتی نظام کو متاثر کرتی ہیں اور کینسر سمیت بیماریوں کا باعث بن سکتی ہیں۔