- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
پی ایس ایل، بابر اعظم کی صلاحیتیں نکھر کر سامنے آگئیں
لاہور: پی ایس ایل کے لیگ مرحلے میں بابر اعظم کی صلاحیتیں نکھر کر سامنے آئیں،ڈیوائن اسمتھ 266رنز کے ساتھ ٹاپ اسکورر، نوجوان بیٹسمین صرف ایک رن کے فرق سے دوسرے نمبر پر ہیں، دیگر قومی کرکٹرز میں کامران اکمل کے سوا کسی کی کارکردگی میں تسلسل دیکھنے میں آیا ہے۔
پی ایس ایل کے لیگ مرحلے میں بیشتر سپر اسٹارز کی کارکردگی میں تسلسل دیکھنے میں نہیں آیا، مجموعی طور پر ڈیوائن اسمتھ 266 رنز کیساتھ سرفہرست، بابر اعظم 265 رنز جوڑ کر دوسرے نمبر پر ہیں، رلی روسو 238، کامران اکمل 208، کیون پیٹرسن 201، سنگا کارا 183، فخر زمان 177، شعیب ملک 177، جیسن روئے 173، احمد شہزاد 170 رنز کے ہمراہ ٹاپ 10میں شامل ہیں، عمر اکمل 164، شین واٹسن 163، کیرن پولارڈ 149، اسد شفیق 147، مصباح الحق145، سرفراز احمد 144، شاہد آفریدی 143 اور بریڈ ہیڈن 139 کے ساتھ دیگر نمایاں بیٹسمینوں میں شامل ہیں۔
سنگا کارا، فخر زمان، شعیب ملک اور عمر اکمل کبھی بہتر تو کبھی بہتر کارکردگی پیش کرتے نظر آئے، واٹسن کوئی ففٹی اسکور نہیں کر سکے، کیرن پولارڈ، مصباح اور سرفراز احمد ایک ایک فتح گر اننگز کھیل پائے جبکہ مجموعی طور پر ناکام ہی رہے، آفریدی ابتدائی ناکامیوں کے بعد آخری 2 میچز میں اپنی فارم بحال کرنے میں کامیاب ہوگئے، رضوان سب سے بڑی اننگز46 کی کھیل پائے، کرس گیل مسلسل 6 میچز میں ناکامی کے بعد آخری لیگ میچ میں اسلام آباد یونائیٹڈ کیخلاف 17 گیندوں پر 44 رنز جڑنے میں کامیاب رہے۔
میک کولم، روی بوپارا، تمیم اقبال، کیمرون ڈیلپورٹ، ڈیرن سیمی اور گرانٹ ایلوئیٹ کے بیٹ بھی نہ چل سکے، محمد حفیظ نے 7 میچز میں صرف 64 رنز بنائے، عماد وسیم 45اور صہیب مقصود 35 رنز بنا سکے، ایونٹ میں اس بار اب تک کوئی سنچری دیکھنے میں نہیں آئی جبکہ سب سے بڑی انفرادی اننگز پیٹرسن نے کھیلی، انھوں نے ناقابلِ شکست 88 رنز بنائے۔ بولرز میں سہیل خان 13.35 کی اوسط سے 14 شکار کرکے سرفہرست ہیں، محمد سمیع، سنیل نارائن، سہیل تنویر 10,10، یاسر شاہ، اسامہ میر، حسن علی 9، 9، رومان رئیس، شاداب خان، واٹسن 8،8، محمود اللہ، وہاب ، حسان خان، محمد عرفان اور محمد عرفان جونیئر 7,7 وکٹیں حاصل کر چکے ہیں۔
گزشتہ سال پی ایس ایل کی دریافت قرار دیے جانے والے محمد نواز 6 شکار کرسکے، محمد عامر بھی مجموعی طور پر متاثر کن کارکردگی پیش کرنے میں ناکام رہے، پیسر نے 38.33 کی اوسط سے 6 وکٹیں حاصل کی ہیں، عماد وسیم 30.20 کی ایوریج سے 5 شکار کر پائے۔
واضح رہے کہ ذوالفقار بابر، انور علی، جنید خان، شاہد آفریدی اور بلاول بھٹی غیرمعمولی کارکردگی پیش نہ کر سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔