تمام توجہ آئندہ ورلڈ کپ کیلئے ٹیم کی تیاری پرہے، مکی آرتھر

اسپورٹس رپورٹرز / ویب ڈیسک  ہفتہ 11 مارچ 2017
ورلڈکپ کے لئے مضبوط ٹیم تشکیل دیں گے جس میں نوجوان کھلاڑی بھی شامل ہوں گے، ہیڈ کوچ۔ فوٹو: فائل

ورلڈکپ کے لئے مضبوط ٹیم تشکیل دیں گے جس میں نوجوان کھلاڑی بھی شامل ہوں گے، ہیڈ کوچ۔ فوٹو: فائل

 لاہور: قومی ٹیم کے ہیڈ کوچ مکی آرتھر کا کہنا ہے کہ کھلاڑیوں کی کارکردگی سے مطمئن ہوں اور تمام تر توجہ آئندہ ورلڈ کپ کے لئے ٹیم کی تشکیل پر مرکوز ہے۔

لاہور میں میڈیا سے بات کرتے ہوئے ہیڈ کوچ مکی آرتھر کا کہنا تھا کہ پی ایس ایل کا کامیاب انعقاد ایک اچھا تجربہ تھا، ٹورنامنٹ کے ذریعے کھلاڑیوں کی پرفارمنس جانچنے کا موقع ملا اور جن نوجوان کھلاڑیوں نے پی ایس ایل کے دوران متاثر کیا انہیں ٹریننگ کیمپ میں شامل کیا۔

مکی آرتھر کا کہنا تھا کہ کھلاڑیوں کی کارکردگی سے مطمئن ہوں اور کھلاریوں کی فٹنس اولین ترجیح ہے لیکن آگے آنے کے لئے ضروری ہے کہ کھلاڑی ڈومیسٹک لیول پر اچھا پرفارم کریں۔ انہوں نے کہا کہ پاکستان میں ٹیلنٹ کی کمی نہیں ہے اور چیف سلیکٹر انضمام الحق کے ساتھ ٹیم کی سلیشکن کے حوالے سے تفصیلی بات ہوئی ہے، ہماری تمام تر توجہ آئندہ ورلڈ کپ کے لئے ٹیم کی تشکیل پر مرکوز ہے، ورلڈکپ کے لئے مضبوط ٹیم تشکیل دیں گے جس میں نوجوان کھلاڑی بھی شامل ہوں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔