دودہشت گردوں کو ساہیوال جیل میں پھانسی دے دی گئی آئی ایس پی آر

دہشت گرد مسلح افواج، قانون نافذ کرنے والے اداروں اور این جی اوز پر حملوں میں ملوث تھے، آئی ایس پی آر۔ فوٹو: فائل

---

قانون نافذ کرنے والے اداروں اور غیر سرکاری تنظیموں پر حملہ کرنے والے 2 خطرناک دہشت گردوں کو پھانسی دے دی گئی۔

پاک فوج کے شعبہ تعلقات عامہ (آئی ایس پی آر) کے مطابق ساہیوال جیل میں 2 خطرناک دہشت گردوں کو پھانسی دے دی گئی جو مسلح افواج، قانون نافذ کرنے والے اداروں اور این جی اوز پر حملوں میں ملوث تھے اور ان کا تعلق کالعدم تحریک طالبان سے تھا۔ آئی ایس پی آر کا کہنا تھا کہ ساہیوال جیل میں پھانسی پر لٹکائے گئے دہشت گردوں میں محمد شاہد عمر اور فضل حق شامل ہیں۔

آئی ایس پی آر کے مطابق سزا پانے والے دہشت گردوں کو فوجی عدالت نے جرم ثابت ہونے پر سزائے موت سنائی اور آرمی چیف جنرل قمر جاوید باجوہ کی توثیق کے بعد دونوں دہشت گردوں کو تختہ دار پر لٹکایا گیا۔