پاناما کیس؛ سٹے باز بھی میدان میں آگئے

 لاہور: پاناما کیس میں جہاں لوگ قیاس آرائیاں کررہے ہیں وہیں سٹے باز بھی میدان میں آگئے ہیں۔

ایکسپریس نیوز کے مطابق ملک میں جہاں ہر جانب پاناما کیس کا فیصلہ موضوع بحث بناہوا ہے وہیں سٹے بازوں نے بھی اس پر نظریں گاڑھ رکھی ہیں۔ ملک بھر میں بکیوں نے اپنے اپنے ریٹ فکس کردیئے ہیں اور سٹے باز ممکنہ فیصلے پر بڑی بڑی رقم داؤ پر لگارہے ہیں۔

اس خبر کو بھی پڑھیں : پاناما کیس کا فیصلہ کل سنایا جائے گا

لاہور کے بُکیوں نے وزیراعظم نواز شریف کو فیوریٹ قرار دے دیا ہے، جس کی وجہ سے ان کے حق میں پیسے ملنے کا بھاؤ 50 پیسے جب کہ نواز شریف کے خلاف فیصلے پر 2 روپے رکھا ہے اور بُک کل دوپہر 12 بجے تک کُھلی رہیں گی۔