’’باہو بلی 2‘‘ نے نمائش کے پہلے ہی روز تاریخ بدل دی

ممبئی: ہدایتکار ایس ایس راج مولی کی فلم ’’باہو بلی 2‘‘ نے نمائش کے پہلےروز ہی بھارت میں 145 کروڑ سے زائد کا بزنس کرکے بھارتی سنیما کے تمام ریکارڈ توڑ ڈالے ہیں۔

بھارتی فلم ’’باہو بلی 2‘‘ کا شدت سے انتظار کیا جارہا تھا اور فلم کی ٹکٹوں کے حصول کے لیے مداح 2 روز قبل صبح 6 بجے سے لائنوں میں کھڑے انتظار کررہے تھے اور اب فلم نے نمائش کے پہلے مداحوں کے دل میں گھر کرلیا اور کمائی کے بڑے بڑے ریکارڈ توڑ ڈالے ہیں۔

فلم ’’باہو بلی 2‘‘ کو بھارت سمیت دنیا بھر میں تامل، تیلگو، ملیالم اور ہندی زبانوں میں نمائش کے لیے پیش کیا گیا ہے اور فلم نے پہلے روز ہی بھارت میں 145 کروڑ سے زائد کا بزنس کرکے بھارتی سنیما کی تاریخ میں منفرد ریکارڈ بنا لیا ہے۔

#Baahubali2 Day 1 All-India Box office Gross:

AP/TG – 58 Cr

Hindi – 50 Cr

KA – 19.5 Cr

TN – 11 Cr

KE – 5.5 Cr

Total – 144 Cr

— Ramesh Bala (@rameshlaus) April 29, 2017

فلم نے بھارتی ریاستوں آندھرا پردیش اور تیلگانہ میں 58 کروڑ، ہندی ورژن نے 50 کروڑ، کرناٹک میں 19 کروڑ 50 لاکھ ، تامل ناڈو میں 11 کروڑ اور کیرالہ میں 7 کروڑ کی کمائی کرکے بھارت میں پہلے روز 145 کروڑ سے زائد کی کمائی کی ہے جب کہ فلم نے دنیا بھر سے 65 کروڑ سے زائد کا بزنس کرکے مجموعی طور پر210 کروڑ سے زائد کی کمائی کرلی ہے۔

#Baahubali2 's Day 1 WW gross would be around 210 Crs.. India – 145 Crs.. Overseas- 65+ Crs..

— Ramesh Bala (@rameshlaus) April 29, 2017

فلم ’’باہو بلی 2‘‘ 250 کروڑ کے بھاری بجٹ سے بنی ہے لیکن فلم نمائش سے قبل ہی ڈسٹری بیوشن اور سیٹلائٹ رائٹس کی مد میں 500 کروڑ کی کمائی کرچکی ہے جب کہ فلم کے ہندی ورژن کے ڈسٹری بیوشن رائٹس 120 کروڑ، تیلگو زبان کے 130 کروڑ، تامل ناڈو میں 47 کروڑ، کیرالہ میں 10 کروڑ اور کرناٹک میں 45 کروڑ میں فروخت کیے گئے ہیں جو کہ مجموعی طور پر 352 کروڑ کی رقم بنتی ہے۔

#BaahubaliTheConclusion 's Humongous Pre-release Biz WW.. pic.twitter.com/a3rQhtjnp0

— Ramesh Bala (@rameshlaus) February 1, 2017

فلم کے ہندی ورژن کے سیٹلائٹ رائٹس سونی ٹی وی نے 51 کروڑ میں خریدے ہیں جب کہ فلم کے تیلگو ورژن کے سیٹلائٹ حقوق 26 کروڑ میں فروخت کیے گئے ہیں۔ فلمی پنڈتوں نے فلم ’’باہو بلی 2‘‘ کو ہندی سنیما کی تاریخ کی سب سے زیادہ کمائی کرنے والی فلم قرار دیا ہے اور فلم کے ایک ہزار کروڑ سے زائد کی کمائی کی پیش گوئی کی ہے۔

واضح رہے کہ بالی ووڈ کی پہلے روز سب سے زیادہ کمائی کرنے والی فلم شاہ رخ خان کی ’’ہیپی نیو ایئر‘‘ تھی جس نے 44 کروڑ 97 لاکھ کا بزنس کیا تھا لیکن فلم ’’باہو بلی 2‘‘ کے ہندی ورژن نے پہلے روز 50 کروڑ کی کمائی کرکے سب کو پیچھے چھوڑ دیا ہے۔