اربازخان بڑے بھیا سلمان خان سے ناراض

ممبئی: بالی ووڈ اداکار و ہدایت کار ارباز خان اپنی فلم’’دبنگ‘‘ کے تیسرے سیکوئل کی شوٹنگ کے لیے وقت نہ دینے پر بڑے بھائی سلمان خان سے ناراض ہوگئے۔

بالی ووڈ اسٹار سلمان خان   ایک کے بعد ایک فلموں کی شوٹنگ میں مصروف ہیں جس کے باعث کئی فلموں میں کام کرنے سے معذرت کرچکے ہیں جس میں  فلم ’’نو انٹری ‘‘ کا سیکو ئل بھی شامل ہے  لیکن اب یہی فلمی مصروفیات سلو میاں کے گھر میں ہی ان کے چھوٹے بھائی کو ناراض کرگئی۔

اس خبر کو بھی پڑھیں:ہریتھک نے’’نوانٹری‘‘ کے سیکوئل میں سلمان کی انٹری بند کردی

سلمان خان  ہدایت کار علی عباس ظفر کی فلم’’ٹائیگر زندہ ہے‘‘ کی شوٹنگ میں مصروف ہیں جس کے  بعد فلم’’وانٹڈ‘‘ کے سیکوئل اور  ہدایت کار انو راگ سنہا کی فلم میں کام کرنے کی حامی بھرلی ہے جس کے باعث ارباز خان کی فلم ’’دبنگ 3‘‘کی شوٹنگ کا معاملہ کھٹائی میں پڑگیا۔

اس خبر کو بھی پڑھیں:سلمان کی قریبی دوست لولیا وینتر کی ’’دبنگ 3‘‘ میں انٹری

ہدایت کار ارباز خان رواں سال ہی فلم ’’دبنگ 3‘‘ کی شوٹنگ شروع کرنے کا ارادہ رکھتے تھے لیکن اب اپنی فلم کے لیے ٹائم نہ دینے پر بڑے بھائی سلمان خان سے ناراض ہوگئے ہیں تاہم اب دیکھنا یہ ہے کہ سلو میاں بھائی کی ناراضی کو کیسے دور کرتے ہیں۔

واضح رہے کہ سلمان خان کی   فلم’’ٹیوب لائٹ ‘‘ رواں سال عید الفطر کے موقع پر ریلیز کی جائے گی جب کہ ابھی وہ فلم ’’ٹائیگر زندہ ہے‘‘ کی شوٹنگ میں مصروف ہیں۔