- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
سپریم کورٹ جے آئی ٹی کی تحقیقات مکمل ہونے تک نواز شریف سے استعفیٰ لے، عمران خان
اسلام آباد: پاکستان تحریک انصاف کے چیرمین عمران خان کا کہنا ہے کہ نواز شریف کی موجودگی میں جے آئی ٹی کام نہیں کر سکتی لہذا سپریم کورٹ جے آئی ٹی کی تحقیقات مکمل ہونے تک وزیراعظم سے استعفیٰ لے۔
بنی گالہ میں اپنی رہائش گاہ پر منعقدہ پریس کانفرنس سے خطاب کرتے ہوئے چیرمین پی ٹی آئی عمران خان نے کہا کہ اگر قطری شہزادہ ثبوت لے کر پاکستان نہ آیا تو حکمرانوں کا کھیل ختم ہوجائے گا اور ان کا سارا جھوٹ ثابت ہوجائے گا، منی لانڈرنگ اور پیسہ منتقلی کے حوالے سے اصل تفتیش نوازشریف، شہباز شریف اور اسحق ڈار سے ہونی چاہیے۔ انہوں نے کہا کہ جے آئی ٹی کے کام میں رکاوٹیں ڈالیں جارہی ہیں اور جے آئی ٹی کو متنازعہ بنانے کی کوشش کی جارہی ہے۔
عمران خان نے سپریم کورٹ سے درخواست کرتے ہوئے کہا کہ جے آئی ٹی تحقیقات مکمل ہونے تک نوازشریف سے استعفیٰ لیا جائے کیونکہ جب تک یہ بیٹھے ہیں تحقیقات شفاف انداز میں نہیں ہونے دیں گے، اداروں کے خلاف موٹو گینگ میں نئے فنکار سامنے آرہے ہیں اور یہ اداروں کو کام نہیں کرنے دیں گے۔ انہوں نے کہا کہ اس وقت جے آئی ٹی نے سپریم کورٹ میں کہا کہ تحقیقات کی راہ میں رکاوٹیں ڈالی جارہی ہیں لہذا ان رکاوٹوں کو ہٹانے کے لیے نوازشریف کو استعفیٰ دینا چاہیے۔
چیرمین پی ٹی آئی نے کہا کہ مسلم لیگ (ن) کے رہنما نہال ہاشمی، رانا ثناءاللہ کے بیانات سب کے سامنے ہیں، انہوں نے جے آئی ٹی کو مذاق بنایا ہوا ہے، سپریم کورٹ کو چاہیے کہ ان لوگوں کامنہ بند کرائے۔ جے آئی ٹی میں حسین نواز کی تصویر لیک ہونے کے حوالے سے عمران خان نے کہا کہ ان لوگوں پر منی لانڈرنگ ، کرپشن کے کیسز ہیں اور یہ مجرم ہیں، انہوں نے ملک کو مقروض کردیا، قرض معاف کرائے، کرپشن کی اور پیسہ باہر لے گئے ان کے ساتھ ایسا ہی سلوک ہوگا، ایسے میں کہا جاتا ہے کہ جے آئی ٹی میں کیسے بٹھایا گیا۔
عمران خان نے پارلیمنٹ کے احاطے میں شیخ رشید پر حملے اور جمشید دستی کو جیل میں ڈالے جانے کی کی مذمت کرتے ہوئے کہا کہ شیخ رشید پر یہ حملہ حکومتی جماعت کی جانب سے منصوبہ بندی سے حملہ کرایا گیا ہے کیونکہ ایسی حرکات (ن) لیگ کی پرانی عادت ہے، انہوں نے سپریم کورٹ پر حملہ کیا ، کوئٹہ بنچ کو شہباز شریف نے خریدا، نجم سیٹھی اور سرفراز نواز کو پٹوایا تھا۔ انہوں نے کہا کہ اپنی جماعت کو تیار رہنے کا کہہ دیا ہے کہ سب تیار ہوجائیں کیوں کہ ہمیں خدشہ ہے یہ سپریم کورٹ پر کوئی واردات کریں گے لیکن ہم سپریم کورٹ کے ساتھ کھڑے ہوں گے اور عوام سڑکوں پر آئے گی۔
چیرمین تحریک انصاف نے کہا کہ جب جنرل (ر) مشرف نے قبضہ کیا تو مسلم لیگ (ن) کا کوئی کارکن نہیں باہر نکلا لیکن تحریک انصاف دکھائے گی کہ کارکن کیا ہوتے ہیں۔ ایک سوال کے جواب میں عمران خان نے کہا کہ ہمیں جے آئی ٹی کے فیصلے کا انتظار ہے، جو فیصلہ آئے گا پور ی قوم اسے مانے گی جب کہ میں خطرناک آدمی ہوں، (ن) لیگ اور نواز شریف کے لیے اور خطرناک ہونے والا ہوں، انہیں مجھ سے خطرہ ہونا چاہیے۔ انہوں نے کہا کہ یہ لوگ جے آئی ٹی سے ڈرے ہوئے ہیں کیونکہ حقائق اب سامنے آرہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔