چیمپئنز ٹرافی کے فائنل میں بھارتی قائد نے پاکستان کو آسان شکار سمجھ لیا

مستحکم بیٹنگ کی بدولت مڈل آرڈر کو میدان میں اترنے کی زحمت ہی کم کرنا پڑتی ہے، بھارتی کپتان۔ فوٹو : اےا یف پی

---

KARACHI: چیمپئنز ٹرافی کے فائنل میں بھارتی کپتان نے پاکستان کو آسان شکار سمجھ لیا۔

ویرات کوہلی کا کہنا ہے کہ مستحکم بیٹنگ کی بدولت مڈل آرڈر کو میدان میں اترنے کی زحمت ہی کم کرنا پڑتی ہے، ٹیم تسلسل کے ساتھ بڑے اسکور بنا رہی ہے، بولرز بھی اچھی فارم میں ہیں، سیمی فائنل میں بنگلادیش کی بیٹنگ لائن کو کسی موقع پر بھی کھل کرنہیں کھیلنے دیا۔

بھارتی کپتان نے کہا کہ پاک بھارت مقابلہ ہمیشہ بڑا ہوتا ہے لیکن ایک متوازن اسکواڈ کی موجودگی میں ہمیں ٹائٹل اپنے نام کرنے میں کوئی مشکل نہیں ہونی چاہیے۔

روایتی حریف سے میچ کا اضافی دبائو ہونے کے سوال پر کوہلی نے کہا کہ بلو شرٹس پہلے بھی کئی بڑے مقابلوں میں پریشر جھیل کر سرخرو ہو چکے، میرا نہیں خیال کہ اس بار بھی ان کو کوئی پریشانی ہو گی، تمام کھلاڑی فائنل کا بے تابی سے انتظار کر رہے ہیں۔