ایک اور بھارتی اداکارہ کی خود کشی

ویب ڈیسک  پير 19 جون 2017
انجلی شریواستو بھارت کی بھوجپوری فلم انڈسٹری کا حصہ تھیں — فائل فوٹو

انجلی شریواستو بھارت کی بھوجپوری فلم انڈسٹری کا حصہ تھیں — فائل فوٹو

 ممبئی: بھارت کی شوبز انڈسٹری سے تعلق رکھنے والے افراد میں خود کشی کا رجحان تیزی سے فروغ پا رہا ہے اور اب ایک اور نوجوان اداکارہ نے خود کشی کر لی ہے۔

بھارتی میڈیا رپورٹس کے مطابق 29 سالہ بھوجپوری اداکارہ انجلی شریواستو کی لاش ممبئی کے علاقے اندھیری ویسٹ میں ان کے اپارٹمنٹ میں پھنکے سے لٹکتی ہوئی پائی گئی۔ انجلی کے رشتے دار دو روز سے اس سے رابطہ کرنے کی کوشش کر رہے تھے تاہم اداکارہ کی جانب سے کوئی جواب موصول نہیں ہو رہا تھا جس پر انہوں نے اپارٹمنٹ کے مالک سے گھر کی ڈوپلیکیٹ چابی لے کر دروازہ کھولا تو انہیں انجلی کی لاش پنکھے سے لٹکتی ہوئی ملی۔

اس خبر کو بھی پڑھیں: بھارتی ماڈل خوشبو بھٹ نے پنکھے سے لٹک کر خود کشی کرلی

ممبئی کے ڈیٹی کمشنر پولیس رشمی کراندی کار نے بتایا کہ پولیس کو اب تک خودکشی سے معتلق کوئی ایسا ثبوت نہیں ملا جس سے معلوم ہو سکے کہ اس نے خود کشی کیوں کی تاہم پولیس تحقیقات جاری رکھے ہوئے ہے۔

واضح رہے کہ گزشتہ ہفتے بھی ایک بھارتی ماڈل اور اداکارہ کریتیکا چوہدری ممبئی کے علاقے اندھیری ویسٹ ہی میں اپنے اپارٹمنٹ میں مردہ حالت میں پائی گئیں تھیں اور پوسٹ مارٹم کے بعد یہ معلوم ہوا تھا کہ انہیں قتل کیا گیا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔