یوم آزادی پرقومی ترانے کوجدید اورمنفرد اندازمیں پیش کرنے کا فیصلہ

جدید قومی ترانے کا ٹاسک پاکستان نیشنل کونسل آف آرٹس کے ڈائریکٹرجمال شاہ کودے دیا گیا ہے: فوٹو: فائل

---

وفاقی حکومت نے رواں برس یوم آزادی پر قومی ترانے کو جدید اور منفرد انداز میں پیش کرنے کا فیصلہ کیا ہے۔

ایکسپریس نیوز کے مطابق وفاقی حکومت نے یوم آزادی کے موقع پر قومی ترانے کو جدید اور منفرد انداز میں پیش کرنے کا ٹاسک پاکستان نیشنل کونسل آف آرٹس کے ڈائریکٹر جمال شاہ کو دیا ہے۔

جمال شاہ کا اس حوالے سے کہنا ہے کہ قومی ترانے کو جدید انداز میں عالمی معیار کے مطابق ایک نئی صورت دی جائے گی جبکہ قومی ترانے کو منفرد انداز میں پیش کرنے کے لئے مشہور موسیقاروں اور فلم میکرز کو بھی تجاویز دینے کا کہا گیا ہے۔