- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
رنبیر والد رشی کپور کے سوشل میڈیا اکاؤنٹ سے پریشان
ممبئی: بالی ووڈ کے چاکلیٹی ہیرو رنبیر کپور بھی اپنے والد کی جانب سے سماجی رابطوں کی ویب سائٹ پر کیے جانے والے متنازع تبصروں سے پریشان ہیں اور کہتے ہیں کہ شکر ہے جب وہ چھوٹے تھے تب ٹوئیٹر موجود نہیں تھا ورنہ ان کے پاپا ان کے بارے میں نہ جانے کیا کیا ٹوئیٹ کر دیتے۔
خیال رہے کہ رنبیر کپور کے والد رشی کپور سماجی رابطوں کی ویب سائٹ ٹوئیٹر پر کافی متحرک رہتے ہیں اور مختلف موضوعات پر اپنی رائے کا اظہار کرتے رہتے ہیں۔ انگلینڈ میں گزشتہ ماہ ہونے والی کرکٹ چیمپیئنز ٹرافی کے دوران بھی وہ کافی سرگرم نظر آئے تھے اور انہوں نے پاکستان کرکٹ ٹیم کے خلاف ہرزہ سرائی بھی کی تھی جس کے بعد انہیں کافی تنقید کا سامنا بھی کرنا پڑا تھا جبکہ رنبیر کپور نے بھی اپنے ایک بیان میں کہا تھا کہ والد صاحب رات ساڑھے 10 بجے کے بعد اپنے ہوش میں نہیں رہتے۔
یہ بھی پڑھیں: پاکستان مخالف ٹویٹ کرنے والے رشی کپور کی بیٹے رنبیر نے اصلیت بتا دی
اب رنبیر کپور نے پھر اس بات کا خدشہ ظاہر کیا ہے کہ اگر ان کے بچپن میں ٹوئیٹر ہوتا تو ان کے والد نہ جانے ان کے حوالے سے کیا کیا ٹوئیٹ کردیتے۔ رنبیر کپور نے ان خیالات کا اظہار اپنی آنے والی فلم ’’جگا جاسوس‘‘ کی تشہیر کے لیے منعقد کی گئی ایک تقریب میں کیا۔ رنبیر اس فلم میں اسکول کے طالب علم کا کردار کرتے نظر آرہے ہیں لہٰذا ایونٹ کے دوران انہوں نے اپنے اسکول کے دنوں کو بھی یاد کیا۔
رنبیر کپور نے کہا کہ جب وہ اسکول میں تھے تو ان کی والدہ نیتو کپور ہمیشہ انہیں یہ کہہ کر ڈراتی تھیں کہ اگر امتحان میں اچھے نمبرز نہیں آئے تو وہ پاپا سے شکایت لگا دیں گی۔ رنبیر کے مطابق وہ اپنے پاپا یعنی رشی کپور سے بہت ڈرتے تھے اور اپنی والدہ سے کہتے تھے کہ وہ اگلی بار امتحان میں اچھے نمبروں سے پاس ہوں گے لہٰذا پاپا سے شکایت نہ لگائی جائے۔
رنبیر کپور نے یہ بھی کہا کہ شکر ہے اس دور میں ٹوئیٹر نہیں تھا ورنہ پاپا نہ جانے میرے اسکول رزلٹس کے حوالے سے کیا کیا ٹوئیٹس کردیتے۔ رنبیر نے اس بات کا بھی انکشاف کیا کہ وہ اپنے خاندان کے سب سے زیادہ تعلیم یافتہ فرد ہیں، والد رشی کپور 8 ویں جماعت، چچا 9 ویں جماعت اور دادا چھٹی جماعت میں فیل ہو گئے تھے جبکہ انہوں نے دسویں جماعت میں 56 فیصد مارکس حاصل کیے تھے۔
یاد رہے کہ انوراگ باسو کی ہدایات میں بننے والی فلم جگا جاسوس 14 جولائی کو سنیما گھروں کی زینت بنے گی جس میں رنبیر کپور کی ہیروئن کا کردار کترینا کیف ادا کررہی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔