- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
سر سبز مقامات پر ورزش دماغی صحت کے لیے بھی مفید
لندن: برطانوی ماہرین کی جانب سے کی جانے والی تحقیق میں ایک بار پھر اس بات کی تصدیق ہو گئی ہے کہ کسی سرسبز مقام مثلاً باغ میں چہل قدمی یا ورزش کرنے سے جسم اور دماغ پر اس کے اثرات دیگر مقامات کی نسبت کہیں زیادہ مفید ہوتے ہیں۔
برطانیہ کی وائلڈ لائف ٹرسٹ نے یونیورسٹی آف ایسیکس کے ماہرین سے ایک تحقیق کروائی جسے سے ثابت ہوا کہ اگر آپ ورزش، چہل قدمی یا کسی بھی قسم کی دوسری جسمانی مشقت سے زیادہ مستفید ہونا چاہتے ہیں تو بہتر ہوگا کہ کسی ایسی جگہ کا انتخاب کیجیے جہاں ہریالی، گھاس، پیڑ اور پودے بڑی تعداد میں موجود ہوں۔ یہ کوئی سرسبز علاقہ بھی ہو سکتا ہے اور کسی بڑے شہر میں بنا ہوا باغ وغیرہ بھی ممکن ہے۔
واضح رہے کہ ماضی میں بھی سرسبز مقامات پر ورزش اور چہل قدمی وغیرہ کے متعدد مفید اثرات سامنے آچکے ہیں جبکہ یونیورسٹی آف ایسیکس میں کیا گیا یہ مطالعہ ان تمام باتوں کی تصدیق کرتا ہے۔ البتہ اس میں اضافی طور پر یہ بھی کہا گیا ہے کہ اگر آپ کسی سرسبز مقام پر ورزش شروع کرتے ہیں تو ابتدائی پانچ منٹ ہی میں آپ کا موڈ خوشگوار ہونے لگتا ہے اور نفسیاتی طور پر آپ خود کو زیادہ پراعتماد محسوس کرنے لگتے ہیں۔ یہ کیفیت دماغی صحت کے لیے بہت فائدہ مند ہے۔
اس مطالعے میں یہ بھی بتایا گیا ہے کہ ہریالی والے مقام کے قریب سائیکل چلانا، تیز قدموں سے یا معمول کی رفتار سے چہل قدمی کرنا یا جسمانی ورزش کرنا آپ کی جسمانی و ذہنی صحت کے لیے نہایت مفید رہتا ہے۔ علاوہ ازیں اگر یہ سرسبز مقام ساحلِ سمندر یا دریا کنارے واقع ہو تو یہ مفید اثرات اور بھی زیادہ ہو جاتے ہیں۔
اگرچہ اس مطالعے میں ان اثرات کی وجہ تو نہیں بتائی گئی لیکن اندازہ ہوتا ہے کہ سرسبز مقامات پر لگے درختوں، پودوں اور گھاس سے دن کے وقت تازہ آکسیجن کا اخراج ہوتا ہے جو سانس کے راستے ہمارے خون میں جذب ہوتی ہے۔ جب خون کے ذریعے جسمانی اعضا بشمول دماغ کو آکسیجن کی فراہمی بہتر ہوتی ہے تو اس کے مفید جسمانی و ذہنی اثرات بھی مرتب ہوتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔