سیالکوٹ انٹرنیشنل ائیرپورٹ پرمسافرسے بڑی مقدارمیں ہیروئن برآمد

 ملزم کوگرفتارکرکے مزید تفتیش کے لئے اینٹی نارکوٹکس فورسز کے حوالےکر دیا گیا ہے، ائیرپورٹ سیکیورٹی فورسز: فوٹو: فائل

---

ایئرپورٹ سیکیورٹی فورسز نے کارروائی کے دوران مسافر سے بڑی مقدارمیں ہیروئن برآمد کرلی۔

ایکسپریس نیوزکے مطابق سیالکوٹ انٹرنیشنل ایئرپورٹ پرایئرپورٹ سیکیورٹی فورسز کی جانب سے کارروائی کی گئی، جس کے نتیجے میں مسافر محمد فیاض گھمن کے قبضے سے ایک ہزار 985 گرام ہیروئن برآمد کرلی گئی، برآمد کی جانے والی ہیروئن کی مالیت عالمی منڈی میں کروڑوں روپے بنتی ہے۔

سیکیورٹی حکام کا کہنا ہے کہ گرفتارملزم کا تعلق وزیرآباد سے ہے جس نے ہیروئن انتہائی مہارت کے ساتھ اپنے سامان میں چھپا رکھی تھی جب کہ ملزم کوگرفتارکرکے مزید تفتیش کے لئے اینٹی نارکوٹکس فورسز کے حوالے کردیا گیا ہے۔