- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
امریکا نے ایران پر نئی اقتصادی پابندیاں عائد کردیں
واشنگٹن: امریکا نے بیلسٹک میزائل پروگرام اور مشرق وسطیٰ میں دہشت گرد گروپس کی حمایت پر ایران پر نئی پابندیاں عائد کردیں۔
غیر ملکی خبر رساں ایجنسی کے مطابق امریکی محکمہ خارجہ کی جانب سے جاری بیان کے مطابق ایران کے بیلسٹک میزائل پروگرام اور مشرق وسطیٰ میں دہشت گرد گروپس کی حمایت کی وجہ سے اس پر نئی پابندیاں عائد کی جارہی ہیں۔ محکمہ خارجہ کے بیان میں مزید کہا گیا کہ امریکا کو ایران کی سرگرمیوں پر خدشات ہیں اور یہ سرگرمیاں خطے کے امن، استحکام اور سلامتی کے لیے خطرہ ہیں۔
یہ بھی پڑھیں: امریکی صدر نے ایران سے ہونے والے جوہری معاہدے کی توثیق کردی
امریکی محکمہ خزانہ نے ایران کی 16 کمپنیوں اور شخصیات پر اقتصادی پابندیاں عائد کرنے کا اعلان کیا ہے اور کہا ہے کہ یہ کمپنیاں اور افراد غیر قانونی طریقے سے ایران کی معاونت کررہے تھے۔ پابندی کی زد میں آنے والے افراد ڈرونز، عسکری آلات اور فوجی کشتیاں بنانے جب کہ ان میں استعمال ہونے والے برقی آلات کی خریداری میں ایرانی فوج کی معاونت میں ملوث تھے،بعض افراد امریکی اور مغربی ممالک کے سافٹ ویئر پروگرامز چوری کرکے ایرانی حکومت کو فروخت کررہے تھے۔
امریکی محکمہ خزانہ نے پابندیوں کی فہرست میں ایران کی دو کمپنیوں کو بھی شامل کیا جن پر الزام عائد کیا گیا ہے کہ وہ ایران کے بیلسٹک میزائل پروگرام میں معاونت کررہی تھیں۔ اس کے علاوہ ایران کی جانب سے لبنان کی تنظیم حزب اللہ، فلسطینی تنظیم حماس، شامی صدر بشار الاسد اور یمن میں حوثی باغیوں کی حمایت پر بھی ایران پر تنقید کی گئی۔
خیال رہے کہ ایران پر نئی پابندیوں کا اعلان ایسے وقت میں کیا گیا ہے جب امریکی صدر ڈونلڈ ٹرمپ نے جوہری معاہدے پر عمل درآمد کے حوالے سے ایران کی کوششوں کی توثیق کی ہے اور کہا ہے کہ جوہری معاہدے پر عمل درآمد کے بدلے ایران کی پابندیوں میں کی جانے والی نرمی برقرار رہے گی تاہم وائٹ ہاؤس نے اس بات کا اشارہ دے دیا تھا کہ بیلسٹک میزائل پروگرام کی وجہ سے ایران پر نئی پابندیاں عائد کی جائیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔