بھارتی اشتعال انگیزی پر پاک فوج کا منہ توڑ جواب، دشمن کے 5 فوجی ہلاک

راولپنڈی : پاک فوج کے شعبہ تعلقات عامہ کے مطابق بھارت نے ایک بار پھر ایل او سی پر سیز فائر کی خلاف ورزی کرتے ہوئے ایک فوجی جوان سمیت 3 افراد کو شہید کر دیا جبکہ پاک فوج کی بھرپور جوابی کارروائی میں دشمن کے بھی 5 فوجی ہلاک ہوئے۔

ڈی جی آئی ایس پی آر میجر جنرل آصف غفور کی جانب سے سوشل میڈیا پر جاری بیان میں کہا گیا ہے کہ بھارتی فورسز نے ایل او سی پر نیزہ پیر، سبز کوٹ اور کیانی سیکٹرز میں پاک فوج کی چیک پوسٹوں اور سول آبادی کو نشانہ بنایا جس کے نتیجے میں ایک فوجی جوان شہید اور دو شدید زخمی ہو گئے، بھارتی فورسز کی بلا اشتعال فائرنگ سے 2 شہری بھی شہید ہوئے۔

میجر جنرل آصف غفور کے مطابق پاک فوج کی جانب سے بھارتی اشتعال انگیزی کا بھرپور جواب دیا گیا جس کے نتیجے میں 5 بھارتی فوجی ہلاک اور متعدد زخمی بھی ہوئے۔ پاک فوج نے دشمن کو منہ توڑ جواب دے کر ان کی توپوں کو خاموش کرا دیا۔

اس خبر کو بھی پڑھیں: بھارت نے اشتعال انگیزی نہ روکی تو بھرپورکارروائی کی جائے گی

ڈی جی آئی اس پی آر نے کہا کہ ایل او سی پر بھارتی اشتعال انگیزی کا ہمیشہ بھرپور طریقے سے جواب دیا جائے گا۔

PR 370/17 Ref
Clip showing Pak Army's response to Indian CFV today. Every CFV shall get such aggressive & effective response! pic.twitter.com/7LwYjdB9Yq

— Maj Gen Asif Ghafoor (@OfficialDGISPR) July 19, 2017

دوسری جانب آئی ایس پی آر نے بھارتی فوج کی بلااشتعال فائرنگ کے جواب میں پاک فوج کی جانب سے کی گئی کارروائی کی ویڈیو بھی جاری کردی جس میں کہا گیا کہ سیز فائر معاہدے کی ہر خلاف ورزی پر ایسا ہی موثر جواب دیا جائے گا۔