وزارت عظمیٰ کیلئے شہباز شریف پر اتفاق ہے، سعد رفیق

 اسلام آباد: مسلم لیگ (ن) کے مرکزی رہنما خواجہ سعد رفیق نے کہا ہے کہ وزارت عظمی کے لیے مسلم لیگ (ن) میں وزیراعلیٰ پنجاب شہباز شریف کے نام پر اتفاق ہے۔

رہنما مسلم لیگ (ن) خواجہ سعد رفیق نے ٹوئٹ کرتے ہوئے کہا کہ پارٹی میں وزارت عظمیٰ کےلئے شہباز شریف کے نام پر اتفاق رائے ہے وہ مسلم لیگ ن کے صدر بھی رہ چکےہیں اور بطور وزیراعلیٰ پنجاب ان کی کارکردگی بےمثال ہے.

سعد رفیق نے کہا کہ صادق اورامین کی کہانی اب چلے گی، یہ سلسلہ سیاستدانوں تک نہیں رکنا چاہئے، بلکہ ہر اس جگہ جانا چاہئے جہاں فیصلے کئے جاتے ہیں۔

بطور وزیراعلیٰ پنجاب شہبازشریف کی کارکردگی بےمثال ہے. وہ مسلم لیگ ن کےصدر بھی رہ چکےہیں. پارٹی میں وزارت عظمیٰ کےلئےانکےنام پر اتفاق رائے ہے

— Khawaja Saad Rafique (@KhSaad_Rafique) July 29, 2017

سابق وزیر ریلوے نے کہا کہ جمہوریت مخالف قوتوں نے سمجھا کہ وزیراعظم نواز شریف خطرناک ہیں، لیکن اب منصب سے ہٹنے کے بعد سیاسی طور پر وہ اور زیادہ موثر و خطرناک ہوں گے۔