عائشہ گلالئی کا عمران خان پر وار ماہرہ اور وینا بھی میدان میں آگئیں

عمران خان کو جاننے والاہر شخص اس بات کا اعتراف کرے گا کہ وہ شرافت اور وقار کی بہترین مثال ہیں،وینا ملک: فوٹوفائل

---

عائشہ گلالئی کی جانب سے عمران خان پر لگائے جانے والے الزامات پر پاکستان کی نامور اداکارہ ماہرہ خان اور وینا ملک بھی میدان میں آگئیں۔

پاکستان تحریک انصاف کی ایم این اے عائشہ گلالئی نے دو روز قبل پی ٹی آئی چیئرمین عمران خان پر سنگین نوعیت کے الزامات لگاتے ہوئے انہیں بدکردار شخص قراردیا تھا ، انہوں نے کہا تھا عمران خان خود کوفرشتہ اور پوری دنیا کو خراب سمجھتے ہیں ، عائشہ گلالئی کے اس بیان پر پورے ملک میں ہنگامہ برپا پوگیا اورعمران خان کے حامیوں نے انہیں سخت تنقید کا نشانہ بنایا۔

اس خبرکوبھی پڑھیں: عمران خان بدکردارشخص ہیں

عمران خان کی حمایت میں بولنے والوں میں صرف ان کے حامی نہیں بلکہ پاکستان شوبز کی نامور اداکارہ اور معروف ٹی وی اینکر وینا ملک بھی پیش پیش تھیں۔ انہوں نے عائشہ گلالئی کی جانب سے لگائے جانے والے الزامات کے جواب میں ٹویٹر پر انہیں کڑی تنقید کا نشانہ بناتے ہوئے لکھا کہ ''بک گئی ہے یہ عائشہ گلالئی''۔

Bik Gai Hai Yeh Ayesha Gulalai...#AyeshaGulalai

— VEENA MALIK (@iVeenaKhan) August 2, 2017

انہوں نے مزید لکھا عمران خان کو جاننے والاہر شخص اس بات کا اعتراف کرے گا کہ عمران خان شرافت اور وقار کی بہترین مثال ہیں وہ ایک بہترین شخص ہیں۔

Knowing Imran Khan...
He is a perfect example of nobility and Dignity... a Thorough Gentleman!!!

— VEENA MALIK (@iVeenaKhan) August 2, 2017

ایک اور ٹویٹ میں وینا نے لکھا عائشہ گلالئی کی جانب سے عمران خان پر لگائے جانے والے الزامات غیر یقینی ہیں۔

A woman could steep this low... it's shocking and unbelievable!!!

— VEENA MALIK (@iVeenaKhan) August 2, 2017

انہوں نے مزید لکھا کہ اس خاتون نے چند پیسوں کی خاطر اپنے اصول اور وقار کو بیچ دیا یہ پشتون کلچر اور غیرت کے خلاف ہے۔

A woman sold her Morals n Dignity out for some bucks...its so against Pashtun culture and Ghairat...!!!#AyeshaGulalai

— VEENA MALIK (@iVeenaKhan) August 2, 2017

اس خبرکوبھی پڑھیں: ''سانپ سے سنپولے کی ملاقات''

دوسری جانب عالمی شہرت یافتہ پاکستانی اداکارہ ماہرہ خان نے عائشہ گلالئی کے خلاف نازیبا زبان استعمال کرنے والوں کو تنبیہ کرتے ہوئے کہا ہے کہ وہ کتنی سچی ہے یا کتنی جھوٹی یہ بہت جلد پوری دنیا کے سامنے آجائے گا لیکن ضروری یہ ہے کہ ہم اس صورتحال کا سامنا کیسے کرتے ہیں ۔

Ofcourse not!! Her truth or her lie willbe apparent to the world.But in the process how we react to this is what is worrisome. https://t.co/4z82QHcJPp

— Mahira Khan (@TheMahiraKhan) August 2, 2017