ماہرہ خان کے بیٹے کی نئی تصویرسوشل میڈیا پروائرل

کراچی:  نامور پاکستانی اداکارہ ماہرہ خان کی بیٹے کے ساتھ لی گئی نئی تصویر سوشل میڈیا پر وائرل ہوگئی جب کہ تصویر میں اذلان  والدہ کی طرح پرکشش اور خوبصورت نظر آرہے ہیں۔

پاکستان کی عالمی شہرت یافتہ اداکارہ ماہرہ خان کا شمار پاکستان کے ساتھ بالی ووڈ کی بھی مقبول ترین اداکاراؤں میں ہوتا ہے ، ماہرہ نے بہت کم عرصے میں بھارتی فلم انڈسٹری میں وہ مقام حاصل کیا جسے حاصل کرنے کے لئے اداکاراؤں کو برسوں لگ جاتے ہیں ، اداکارہ ہونے کے ساتھ ماہرہ بہترین ماں بھی ہیں اور اپنے بیٹے سے بے انتہا محبت کرتی ہیں۔

اس خبرکوبھی پڑھیں: ماہرہ خان کی پہلی ترجیح ان کا بیٹا

حال ہی میں ماہرہ نے ٹوئٹر پر بیٹے اذلان کے ساتھ ایک تصویر شیئر کی جس میں ان کے بیٹے پہلے کے مقابلے میں زیادہ بڑے اور اپنی والدہ کی طرح پر کشش نظر آرہے ہیں، اس تصویر کو اب تک ہزاروں افراد دیکھ اور پسند کرچکے ہیں۔

ایک صارف نے اذلان کو اپنی والدہ کی کاپی بتاتے ہوئے کہا کہ اذلان بالکل ماہرہ خان جیسے ہیں۔

واضح رہے کہ ماہرہ خان اپنے بیٹے اذلان سے بے انتہا محبت کرتی ہیں اور ایک انٹرویو کے دوران انہوں نے کہا تھا کہ ان کی پہلی ترجیح ان کا بیٹا ہے اور وہ کام کے دورن بھی صرف بیٹے کے متعلق ہی سوچتی رہتی ہیں۔