- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
ہمایوں سعید کی ’’نامعلوم افراد 2‘‘ کیلئے نیک خواہشات
کراچی: عید قرباں پر پاکستانی سینما انڈسٹری کی دوبڑی فلمیں ’’پنجاب نہیں جاؤں گی‘‘ اور ’’نامعلوم افراد 2‘‘ ریلیز ہورہی ہیں، بڑی عید پر بڑے پن کا مظاہرہ کرتے ہوئے فلم ’’پنجاب نہیں جاؤں گی‘‘ کے ہیرو ہمایوں سعید نے دونوں فلموں کے لیے نیک خواہشات کا اظہار کیا ہے۔
یہ عید الاضحیٰ پاکستانی فلموں کے شائقین کے لیے کسی ٹریٹ سے کم نہیں، پاکستانی سینما کی دوبڑی فلمیں ’’پنجاب نہیں جاؤں گی‘‘ اور ’’نامعلوم افراد 2‘‘ کی ریلیز نے شائقین کو پرجوش کردیاہے، سوشل میڈیا پر لوگوں کی جانب سے دونوں فلموں کو خوب پزیرائی حاصل ہورہی ہے ، جہاں فہد مصطفیٰ کی فلم نامعلوم افراد 2 کا ٹریلر یوٹیوب پرلاکھوں بار دیکھا گیا ہے وہیں ہمایوں سعید اور مہوش حیات کی فلم پنجاب نہیں جاؤں گی کے ٹریلر کی بھی دل کھول کر تعریف کی جارہی ہے۔
’’نامعلوم افراد 2‘‘ 2014 کی سپر ہٹ فلم نامعلوم افراد کا سیکوئل ہے جس میں فہد مصطفیٰ ، جاوید شیخ اور محسن عباس حیدر نے مرکزی کردار ادا کیے تھے فلم میں کراچی کے حالات کو مزاحیہ انداز میں پیش کیا گیا تھا، اپنی انفرادیت کی وجہ سے فلم شائقین کو بےحد پسند آئی تھی، فلم کی غیر معمولی کامیابی کو دیکھتے ہوئے ہدایت کار نبیل قریشی نے اس کا سیکوئل بنانے کا اعلان کیا تھا، جس میں پہلی فلم کی طرح فہد مصطفیٰ، جاوید شیخ ، محسن عباس حیدر، عروہ حسین مرکزی کردارادا کرتے نظر آئیں گے جب کہ اس بار ہانیہ عامر بھی فلم شامل ہیں جو محسن عباس حیدر کے مقابل مرکزی کردارادا کررہی ہیں، فلم میں شائقین کی توجہ حاصل کرنے کے لیے ماڈل صدف کنول کا آئٹم سانگ ’’کیف و سرور‘‘بھی شامل کیا گیا ہے جسے یوٹیوب پرلاکھوں باردیکھا جا چکا ہے۔
جب کہ ہمایوں سعید کی پروڈکشن میں بننے والی فلم ’’پنجاب نہیں جاؤں گی‘‘ کی کہانی محبت پر مبنی ہے جس میں ہمایوں سعید، مہوش حیات اور عروہ حسین کے ساتھ رومینس کرتے نظر آئیں گے، فلم کو مکمل فیملی ڈرامہ قرار دیا جارہا ہے، فلم کی دیگر کاسٹ میں اظفررحمان ، احمدبٹ اور بہروز سبزواری شامل ہیں، فلم کی ہدایات پاکستان کے نامور ہدایت کار ندیم بیگ نے دی ہے، ندیم بیگ اس سے قبل فلم ’’جوانی پھر نہیں آنی‘‘ کی ہدایات بھی دے چکے ہیں لہٰذا کہا جارہا ہے کہ اس بڑی عید پر دونوں فلموں کے درمیان خوب جم کر مقابلہ ہوگا۔
پنجاب نہیں جاؤں گی کے پروڈیوسراورمرکزی اداکار ہمایوں سعید نے دونوں فلموں کے لیے ٹوئٹر پر نیک خواہشات کا اظہار کرتے ہوئے کہا ہے کہ یہ پاکستانی سینما کے لیے تاریخی اور بڑا دن ہے ، عید قرباں پر دو بڑی فلمیں ریلیز ہورہی ہیں اور میری دعائیں دونوں فلموں کے ساتھ ہیں۔
Big moment for Pakistani cinema as two films gear up for release on 1st Sept. Wishing the teams of #NMA2 and #PunjabNahiJaungi good luck! pic.twitter.com/6HHpguP1uh
— Humayun Saeed (@iamhumayunsaeed) August 26, 2017
واضح رہے کہ پنجاب نہیں جاؤں گی اور نامعلوم افراد2 عید قرباں سے ایک دن قبل جمعے کے روز یکم ستمبر کو نمائش کے لیے پیش کی جائیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔