ملتان سلطانز نے ٹام موڈی کو ہیڈ کوچ مقرر کر دیا

پاکستان سپر لیگ کے تیسرے ایڈیشن کیلیے چھٹی ٹیم ملتان سلطانز نے سابق آسٹریلوی کرکٹر ٹام موڈی کو ہیڈ کوچ مقرر کر دیا ہے۔

ٹام موڈی آسٹریلین کرکٹرز ایسوسی ایشن کے نمائندہ اور ڈائریکٹر وورسسٹر شائر کے طور پر کام کر چکے ہیں، وہ سری لنکن ٹیم کے کوچ بھی رہے اور ویسٹرن آسٹریلیا کرکٹ ایسوسی ایشن کے منیجر اور ہیڈ کوچ کی ذمہ داریاں بھی نبھا چکے ہیں۔

Introducing Tom Moody as our Head Coach! We welcome you onboard. #MultanSultans pic.twitter.com/dOipy9YQNY

— Multan Sultans (@MultanSultans) September 22, 2017

قبل ازیں وسیم اکرم فرنچائز کے ڈائریکٹر کرکٹ آپریشنز تعینات کیے جا چکے ہیں، وقار یونس کی بھی ملتان سلطانز جوائن کرنے کی اطلاعات تھیں تاہم انہوں نے بعد ازاں وسیم اکرم کی چھوڑی ہوئی ٹیم اسلام آباد کو بطور بولنگ کوچ جوائن کر لیا تھا۔