- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
امریکا میں کنسرٹ کے دوران فائرنگ سے 58 افراد ہلاک، 515 زخمی
لاس ویگاس: امریکی شہر میں میوزک کنسرٹ کے دوران فائرنگ سے 58 افراد ہلاک اور 515 زخمی ہوگئے۔
غیرملکی خبر رساں ادارے کے مطابق امریکی ریاست نیواڈا کے شہر لاس ویگاس میں فائرنگ کے نتیجے میں ہلاکتوں کی تعداد 58 تک پہنچ گئی ہے جبکہ زخمیوں کی تعداد 500 سے زائد بتائی گئی ہے۔ پولیس کے مطابق حملہ 64 سالہ سفید فام امریکی شہری اسٹیفن پیڈوک نے کیا اور پولیس کے پہنچنے سے قبل ہی اس نے خود کو گولی مار کر خودکشی کرلی۔
پولیس کے مطابق حملہ آور نے منڈالے بے ریزورٹ کی 32 ویں منزل سے نیچے جاری کنسرٹ پر اندھادھند فائرنگ کی۔ حملہ آور نے ہوٹل کے کمرے میں موجود کھڑکیوں کے شیشے توڑے اور وہاں سے فائرنگ کی اور بعد ازاں خود کشی کرلی۔ امریکی سیکیورٹی حکام نے تاحال واقعے کو دہشت گردی قرار نہیں دیا ہے۔
امریکی پولیس کا کہنا ہے کہ حملہ آور مقامی شہری تھا اور اس حوالے سے مزید تحقیقات کی جارہی ہیں۔ برطانوی میڈیا نے اسٹیفن پیڈوک کی مبینہ تصویر بھی شائع کی ہے۔
امریکی پولیس نے حملہ آور کی ساتھی اور مطلوب خاتون ماریلو ڈینلے کی تصویر جاری کرکے عوام سے اس کی گرفتاری میں مدد دینے کی اپیل بھی کی ہے۔
سوشل میڈیا پر سامنے آنے والی تصاویر اور ویڈیوز میں دیکھا جاسکتا ہے کہ خوفزدہ شائقین جان بچانے کے لیے کنسرٹ کو چھوڑ کر بھاگ رہے ہیں جب کہ پیچھے سے فائرنگ اور گولیوں کی تڑتڑاہٹ کی آوازیں آرہی ہیں۔
Terrifying scene as concert goers attend to injured while gunman opens fire at Mandalay Bay resort in Las Vegas. pic.twitter.com/3bisNIjur2
— Josh Caplan (@joshdcaplan) October 2, 2017
اس واقعے کو امریکی تاریخ میں فائرنگ کا بدترین واقعہ قرار دیا جارہا ہے۔ امریکی صدر ڈونلڈ ٹرمپ نے واقعے کی مذمت کرتے ہوئے ہلاک و زخمی ہونے والوں کے لیے اظہار ہمدردی کیا۔ انہوں نے کہا کہ وہ بدھ کے روز لاس ویگاس کا دورہ بھی کریں گے۔ اس کے علاوہ حملے میں ہلاک و زخمی ہونے والوں کی یاد میں امریکا بھر میں قومی پرچم سرنگوں کردیا گیا ہے۔
شدت پسند تنظیم داعش نے مبینہ طور پر حملے کی ذمہ داری قبول کی ہے۔ داعش کی جانب سے اپنی ویب سائٹ اعماق پر جاری بیان میں کہا گیا کہ حملہ آور داعش کا سپاہی تھا جس نے چند ماہ قبل ہی اسلام قبول کیا تھا تاہم داعش کی جانب سے اپنے دعوے کو ثابت کرنے کا کوئی ثبوت پیش نہیں کیا گیا ساتھ ہی بیان میں حملہ آور کا نام اور دیگر تفصیلات بھی نہیں بتائی گئیں۔ امریکی حکام بھی حملے کے محرکات جانے کے لیے تحقیقات میں مصروف ہیں۔
My warmest condolences and sympathies to the victims and families of the terrible Las Vegas shooting. God bless you!
— Donald J. Trump (@realDonaldTrump) October 2, 2017
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔