نئے صوبے کے قیام کی آئینی حیثیت کیا ہے پشاورہائی کورٹ کااٹارنی جنرل اور فرحت بابر سے وضاحت طلب

کیا نئے صوبے کیلیے متعلقہ صوبائی اسمبلی میں دوتہائی اکثریت سے بل منظورکرنا آئینی تقاضا نہیں،چیف جسٹس کے سوالات. فوٹو : اے پی پی

---

KARACHI: پشاور ہائیکورٹ نے ملک میںنئے صوبوں کے قیام اورپارلیمانی کمیشن کیخلاف دائر رٹ درخواست پراٹارنی جنرل اورنئے صوبوںسے متعلق پارلیمانی کمیشن کے چیئرمین فرحت اللہ بابرسے وضاحت طلب کرلی۔

جبکہ آئینی موقف جاننے کیلیے اٹارنی جنرل آف پاکستان کوعدالت کے روبروپیش ہونے کے احکام جاری کر دیے ہیں،چیف جسٹس دوست محمدخان اورجسٹس ارشاد قیصر پرمشتمل دورکنی بینچ نے یہ احکام بیرسٹرباچاکی جانب سے پنجاب کوتقسیم کرکے نئے صوبے بنائے جانے کیخلاف دائررٹ درخواست کی سماعت کے دوران جاری کیے، درخواست گزار بیرسٹر باچا نے دلائل میں بتایاکہ پنجاب کوتقسیم کرکے نیاصوبہ بنانے کا مقصد صرف سیاسی طور پر نمبر اسکورنگ ہے جوملکی سلامتی کیخلاف ہے، صوبوںکی تقسیم کا سلسلہ جاری رہاتوکل سندھ میںجناح پوراورخیبرپختونخوامیں ہزارہ کے قیام کے مطالبات بھی سراٹھانے لگیںگے۔



انھوں نے کہاکہ آئین کے آرٹیکل1کے مطابق پاکستان چارصوبوں پنجاب، سندھ، خیبرپختونخوا اور بلوچستان، ایک وفاق اور وفاق کے زیرانتظام قبائلی علاقہ جات پر مشتمل ہے، اس کے علاوہ صدر مملکت کونئے صوبوں کے قیام کیلیے پارلیمانی کمیشن کے قیام کااختیار ہی نہیں، پارلیمنٹ صرف صوبوںکی حدبندی کامسئلہ حل کرسکتی ہے لہذامجوزہ صوبے کے قیام کوکالعدم قراردیاجائے، فاضل بینچ نے ابتدائی دلائل کے بعد صوبوں کے قیام کیلیے قائم کردہ پارلیمانی کمیشن کے چیئرمین فرحت اللہ بابر سے اس ضمن میں وضاحت طلب کرلی جبکہ اٹارنی جنرل آف پاکستان کو بھی نوٹس جاری کردیا۔

جبکہ عدالت نے اس موقع پرمتعلقہ حکام کوہدایت کی کہ وہ درج ذیل سوالات کے جامع جوابات عدالت میںپیش کریں1)جب آئین پاکستان کے آرٹیکل1(2) کے تحت پاکستان چارصوبوں، فاٹا اور وفاق پر مشتمل ہے تونئے صوبے کا قیام غیرآئینی نہیں اور اس ضمن میں پارلیمنٹ یامجلس شوریٰ کی اتھارٹی کے اختیارات کی خلاف ورزی نہیںہورہی ہے۔ پنجاب یادیگرعلاقوں میں نئے صوبوں کے قیام کی آئین میںکیاحیثیت ہے 2) کیا نئے صوبوںکے قیام سے متعلق بنائے گئے پارلیمانی کمیشن کا قیام آئین سے متصادم نہیں 3)کیانئے صوبے کیلیے متعلقہ صوبائی اسمبلی نے دوتہائی اکثریت سے بل منظور کرنا آئینی تقاضا نہیں۔