مشرف پیش نہ ہوئے تو مچلکے ضبط کرینگے ضامن سے جواب طلب

پرویزمشرف آنا چاہتے ہیں، ڈاکٹر نے اجازت دی تو واپس آ جائیں گے، اختر شاہ ایڈووکیٹ۔ فوٹو : فائل

---

انسداددہشت گردی کی عدالت نے سابق صدر جنرل رٹائرڈ پرویز مشرف کیخلاف ججز نظربندی کیس میں تحریری جواب جمع کرانے کی ہدایت کی ہے۔

گزشتہ روز پرویزمشرف کے وکیل اختر شاہ اور ضامن کیپٹن ریٹائرڈ نذیرعدالت میں پیش ہوئے۔ عدالت کی جانب سے استفسار کیا گیا کہ ضامن بتائیں کہ کب پرویز مشرف کو عدالت کے سامنے پیش کرسکتے ہیں؟، اگر پرویز مشرف پیش نہ ہوئے تو ضمانتی مچلکے بحق سرکار ضبط کرلیے جائیں گے جس پر اختر شاہ ایڈووکیٹ نے کہا کہ پرویزمشرف آنا چاہتے ہیں، ڈاکٹر نے اجازت دی تو واپس آ جائیں گے۔

عدالت نے پرویز مشرف کے ضامن کوتحریری جواب داخل کرانے کی ہدایت کرتے ہوئے سماعت 27 اکتوبر تک ملتوی کردی۔